爸爸有感，正好回應「港媽的不安」｜湯圓

媽咪湊仔三部曲

相信每一個媽咪都有咁嘅經驗。生咗BB後，細路歲幾，媽咪要教佢企起身行路，踏出第一步；當佢識行路後，大約七、八歲，帶佢去大埔教佢踩單車，踏出另一個第一步。學行路只係第一步，由行路到識得跑，跟住用單車代步，就係人生freedom of movement嘅第二部曲。至於，第三部先至係學揸車。當個細路考到車牌，媽咪已經慢慢變老。湊仔三部曲，不離呢三個章節。

國際局勢越來越不可測，用BNO移民英國嘅香港大人仲可以觀望等吓，但細路仔一年大過一年，BS ( British Schooling ) 就歲月不饒人，唔等得。去英國讀書，包括入讀中小學加考大學。越來越多家長選擇一條龍，早一步小學就送過去，早日適應環境，越早去英國讀書，望就望考入牛津劍橋嘅機會越大。

教育的可能性：牛津過來人分享第一視覺

本週末，《英識教育》再次動用國際關係網，首先請咗牛津大學精英級人馬，前牛津招生官親自向家長學生講解，如何讀書、點樣表現自己，最重要培養一種乜嘢嘅性格，先至會大量增加考入牛津劍橋嘅機會。這位新晉學術明星，係我好朋友Dr. Calvin Chan。Calvin 最初喺雪梨大學讀哲學，一級榮譽畢業，對學術有要求嘅佢仲讀埋Master，跟住就考到獎學金入咗牛津讀正宗嘅哲學博士，在學期間於牛津執起教鞭。

一個香港人喺牛津教哲學，就唔係咁簡單，成就可以講話勁過一個中國學者喺麻省理工教電子工程。點解？因為牛津大學嘅哲學系，出名難入，要有非常優秀嘅英文同埋寫作能力加埋口才，先至可以攞獎學金讀博士，然後留校任教兼當上招生官。Calvin 發表過好多論文，包括探討英國人嘅文化身份，以及研究法國今日社會文化危機。佢在病毒瘟疫期間，艱苦研修，今日成為在國際學術界獨當一面嘅哲學學者。

搵一位頂級嘅精英親自教路，喺尖沙咀香格里拉酒店同香港家長學生近距離教路交流，話俾大家知招生官第一身視覺，如何考入英國牛津劍橋，需要啲乜嘢資格。唔係淨係讀書，而係獨立嘅思考能力、優良嘅品格，仲有廣博嘅知識基礎。

第二部曲的可能：麥肯錫Partner教職場新鮮人突圍

入到牛津劍橋，只係第一步。有如細路仔企起身識行路，開始學跑。牛劍畢業之後又點呢？(在) 今日西方世界嘅職場，由於人工智能嘅入侵，精英之間嘅競爭越來越激烈。於是第二場 (講座)，我又請咗另一位好友，(於) 劍橋大學畢業嘅Arthur 同各位家長見面。Arthur 年紀輕輕，已經係全球尖子都趨之若鶩的「夢工廠」McKinsey & Company (的) 全球董事合伙人兼香港地區MD (總經理)，Top 1% 打工精英都希望躋身 (其中)。

Arthur 多年來閱人無數，In (Interview) 人成千上萬，深得公司信任。佢會話俾家長知，面對每年無數嘅名牌大學畢業生，佢哋請人會look forward to 乜嘢 Calibre 嘅人才？係咪讀書讀到First Class Honors 就會請？仲睇埋乜嘢其他因素？生得靚仔靚女，定係修養內涵？企業醫生Arthur 都會親自解答。

2月15日：宜聽講座，吸前人經驗

兩位香港國際精英，日理萬機，今次畀面英識教育，只現身一個週末，機會稍縱即逝。為咗下一代嘅前途幸福，《英識教育》傾囊相授、聲色俱厲，繼去年十月請到Gaw Capital 嘅Christina分享，今年再次厲兵秣馬。唔好只記得2月14號為情人節走去拍拖。過完情人節，第二日就要修心養性諗吓人生嘅下一步。(子女)人生嘅下一步唔係入教堂，而係在健步如飛後，揀一架單車，腳踏兩輪，走上一條康莊大道。

到有一日當你的子女成為另一個Calvin 或者Arthur 般，張卡片印着牛津大學教授或者McKinsey，嘩，嗰陣時就恭喜你，你已經揸緊穿梭機，離應Elon Musk 邀請去佢嘅生日Party，如同坐火箭，只係一步之遙。

 【英國升學展2025｜搶先一步・鋪尖子路】