楊洛婷爸爸ICU留醫靠氧氣機助呼吸 曾三次做移植手術 多次病毒測試未確診病因
2025-01-05
樂隊Dear Jane在1月1日《2024年度叱咤樂壇流行榜頒獎典禮》奪得「樂壇組合」金獎，主音黃天翱（Tim）在台上發表感受時，透露太太楊洛婷（Rabeea）當日帶同大女急飛溫哥華，探望正在ICU留醫的楊父，並希望借大家的掌聲集氣。楊洛婷亦有在社交網貼出在醫院的自拍照，再出PO交代爸爸的最新情況。
-
- 楊洛婷為2003年港姐亞軍，同屆冠軍為曹敏莉、季軍戚黛黛。
-
- 楊洛婷與Dear Jane主音黃天翱（Tim）已結婚10年。
-
- 楊洛婷與老公Tim育有一子一女。
-
- 楊洛婷在今年元旦日貼出溫馨家庭照。
-
- 楊洛婷曾分享全家福。
-
- 楊洛婷大晒三代同堂的照片。
-
- 楊洛婷於2024年12月28日賣甩老公，帶一對仔女飛峇里旅行。
-
- 楊洛婷出發時與一對仔女表現期待。
-
- 楊洛婷到峇里旅行期間，忽然自爆已到加拿大溫哥華。
-
- 樂隊Dear Jane在1月1日《2024年度叱咤樂壇流行榜頒獎典禮》奪得「樂壇組合」金獎。
-
- Dear Jane主音Tim（右一）在台上發表感受時，透露外父入ICU，希望借大家的掌聲集氣。
-
- 楊洛婷帶同大女急飛返溫哥華，探望正在ICU留醫的爸爸。
-
- 楊洛婷今日貼出醫院相，交代爸爸的情況。
-
- 楊洛婷的囡囡身處外地，仍兼顧學業。
-
- 楊洛婷分享囡囡在溫書。
楊洛婷父嚴重呼吸困難
楊洛婷自返回加拿大便多度更新社交網透露父親的情況，日前見到楊洛婷在爸爸病床前打卡，背後隱約見到楊父插喉躺在床上。今日楊洛婷再更新IG，只見到監察儀器及病床一角的照片。楊洛婷表示父親非常堅強，曾經歷多次移植手術，爸爸在最近一個月出現嚴重呼吸困難，但醫生做了多樣病毒測試，仍未能確診。
楊洛婷留言：「最近有好多人問我點解我爸爸喺深切治療部，佢發生咗咩事。其實，我爸爸真係我認識最堅強嘅人！過去20多年來，佢經歷咗兩次心臟移植同一次腎臟移植，雖然佢服用嘅藥物可以防止排斥反應，但都令佢嘅免疫系統變得好脆弱，傷風或者咳嗽咁常見嘅病對佢嚟講都可能危險。」
楊洛婷指醫生已經盡力
對於爸爸的病情，楊洛婷指醫生已盡最大的努力：「最近一個月，佢出現咗好嚴重嘅呼吸困難，氧氣水平降得好低，對佢嘅肺部造成咗永久性嘅損傷。醫生做咗好多病毒測試，但都未能確診。而家，佢只能靠氧氣機來呼吸。醫生已經盡咗最大努力，而家就要睇佢自己能唔能夠克服呢一切。」
盼爸爸戰勝難關
楊洛婷雖然憂心父親，卻仍充滿希望：「雖然面對咁多挑戰，我哋依然充滿希望。佢喺整個治療過程中展現出嘅力量同堅忍，令我相信佢一定可以戰勝呢個難關！我想感謝所有喺messages慰問我哋同為我哋祈禱嘅每位朋友，相信呢啲力量全部俾晒爸爸支持緊佢。」獲大批圈中好友打氣及送上慰問。
星島頭條授權轉載
更多文章:
