洪永城半歲女竟唔認得老竇！被緊抱嚇到爆喊 以行動抗拒陌生爸爸
2024-09-18
40歲的 洪永城 （Tony）與太太梁諾妍（Inez）婚後育有兩名可愛的餅印女兒，分別是2歲半的大女「Sir Face」洪靖嵐（Amber）和半歲細女「Sir Nose」Beryl，雖然被笑「一屋洪永城」，但細女Beryl相隔7日再見爸爸洪永城時，嚇得嚎啕大哭，更哭得面紅耳熱。
今日熱話
梁諾妍日前在IG的限時動態貼片，她寫上：「上次SIR走咗3個月，嗰時8個月嘅SIRFACE唔認得佢，今次SIR走咗7日ONLY，阿妹已經唔認得（連嫲嫲幾個月冇見，見到都冇喊）。」
影片可見，身穿灰綠色長袖衫的洪永城抱住細女Beryl時，細女竟嚎啕大哭，洪永城初時還跟着細女扮喊，並拍拍囡囡背脊安撫她說：「Sorry！Sorry！Sorry！唔好意思爸爸太大聲，Sorry！」洪永城不停向細女say sorry！但細女的哭聲越來越大聲，洪永城對鏡頭偷笑，並說：「我太大聲嚇親佢啫！」
洪永城出盡法寶細女
之後洪永城把細女抱在大臂上，更出動法寶（嬰兒零食）女兒，但囡囡不敢興趣，依然哭不停，更擘大口嚎哭，細女把面貼向洪永城的心口，還哭得面紅耳熱，洪永城無奈地問：「佢好耐冇咁喊過喇？」梁諾妍答：「係呀！你畀嫲嫲抱都唔喊！」為了安撫細女，洪永城連BB話都出埋，「Bu Bu Bu……」但細女一樣冇面畀，繼續喊！洪永城無奈call救兵，大叫大女「Amber」，而影片亦已經結束。
嬰兒4至6個月開始認人
其實嬰兒在4至6個左右開始認人，6個月後開始怕陌生人，這都是成長必經過程，寶寶認人後，會對熟悉者有親近的反應，相反會抗拒陌生人接觸，對陌生面孔感到焦慮、不安、哭鬧、拒絕、退縮。所以洪永城離家7天工作後再見細女Beryl，囡囡有這個哭鬧反應是很正常，只要日後多陪伴囡囡並給予安全感，囡囡便會很快消除不安情緒。
獲星島頭條授權轉載
更多文章：
