古明華 女兒10歲時確診罕病 為照顧患病妻女曾連續工作50小時捱出病
2023-11-23
現年59歲的古明華（古佬）2020年初離開效力26年的TVB後，移居內地發展並進軍飲食界，去年在江門開設港式茶餐廳，撈到風生水起。作為一家支柱的古明華早年通宵趕劇，因食無定時及作息欠規律，30多歲便發現患上糖尿病，近日他接受網台節目訪問，自揭曾捱出大病，痛苦到一度萌生輕生念頭。
-
- 古明華多年來演綠葉角色。
-
- 古明華於2012憑《巴不得媽媽》「蘇基」一角獲得最佳男配角。
-
- 古明華於2012憑《巴不得媽媽》「蘇基」一角獲得最佳男配角。
-
- 古明華去年在內地開設茶餐廳。
-
- 古明華最近接受網台節目訪問，自揭曾捱出大病，痛苦到一度萌生輕生念頭。（影片截圖）
-
- 回想當年一家三口全倒下，古明華感觸落淚說：「我只係覺得好對佢哋兩個唔住，因為我畀唔到佢哋，如果有能力，佢（女兒）個病可能好早就醫番好。」（影片截圖）
-
- 經歷大病後，古明華明白一家人健康最重要：「而家我個身體係（屬於）我個女同老婆，去到呢個年紀，只要平安健康就夠，財富唔重要。」（影片截圖）
-
- 古明華於1996年結婚。
-
- 古明華與太太Terri。
-
- 育有一女。
-
- 古明華與拍拖8年的演藝學院女同學Terri於1996年結婚，二人育有一女Tammi，惜早年Terri遇上車禍致行動不便，無法再以跳舞工作為生。
-
- 後來女兒Tammi在10歲時又確診患上「腎小球炎症」，一旦病發便會全身水腫，曾每月醫療費高達逾萬元。
-
- 當時為養活全家，古明華自薦加入TVB配音組，同時兼顧演戲及配音工作，甚至試過不眠不休直踩50小時。
古明華與拍拖8年的演藝學院女同學Terri於1996年結婚，二人育有一女Tammi，惜早年Terri遇上車禍致行動不便，無法再以跳舞工作為生，囡囡10歲時又確診患上「腎小球炎症」，一旦病發便會全身水腫，每月醫療費高達逾萬元。當時為養活全家，古明華自薦加入TVB配音組，同時兼顧演戲及配音工作，甚至試過不眠不休直踩50小時。
至2012年憑劇集《巴不得媽媽…》奪得「最佳男配角」後工作量大增，他終引發糖尿併發症：「食咁多藥一定加強腎嘅負荷，當時我就決定唔食，淨係做運動、食清淡啲，仲飲牛蒡茶、食番石榴、秋葵。因為我糖尿病，令免疫系統出現問題，所以病菌就爆發，要食肺病藥同糖尿藥，每日食20、30粒，好辛苦，但都要食。」
古明華續指，曾膽痛到整個人精神抽離：「你個人嘅所有，甚至呼吸，都淨係記得個膽痛，講句難聽啲，如果唔係有窗花，3樓跳落去嗰種痛楚可能會減輕，我從來未喺個女面前表現得咁低能嘅老竇，由細到大喺佢面前我都係咩事都擔得起嘅男人，喺嗰一刻我苛嘅形象係完全collapse（摧毀），爸爸原來係咁脆弱。」
回想當年一家三口全倒下，他感觸落淚說：「我只係覺得好對佢哋兩個唔住，因為我畀唔到佢哋，如果有能力，佢（女兒）個病可能好早就醫番好，好多呢啲嘢，我對佢哋唔住。」經歷大病後，古明華明白一家人健康最重要：「而家我個身體係（屬於）我個女同老婆，去到呢個年紀，只要平安健康就夠，財富唔重要。」
獲星島頭條授權轉載
更多文章：
