婆媳關係 | 老爺奶奶低價賣樓移民 搬到英國兒子家寄居 移英新抱崩潰：佢當正自己係主人
2023-08-03
相見好同住難，最近有一位已 移民 英國的新抱，在社交網站上大吐苦水，指本以為移民後可以減少與老爺奶奶見面，沒想到姑仔竟然同樣打算移民英國，更提出讓老爺奶奶先到英國打點一切，結果二人「順理成章」住到兒子和新抱的家，讓新抱苦不堪言。
這位新抱表示，老爺奶奶十分偏心，加上奶奶「份人係把口唔收、尖酸刻薄」，總會認為自己的子女又聰明又叻，而別人的子女就是「草」。新抱指出，今年她和丈夫移居到英國，本以為從此可以減少與老爺奶奶接觸，沒想到出現了變故：「點知姑仔（奶奶的女兒）都想去英國，奶奶就突然低價賣咗樓，諗住同姑仔兩公婆一齊過英國。
新抱解釋，當年奶奶是「貼埋大床、裝修間屋俾佢哋兩公婆一齊住」，如今姑仔想移民，奶奶當然馬上答應：「但姑仔話要在香港留多一兩年先過英國，叫兩老去英國打點好晒先，例如買、裝修好晒先，等佢哋2個後生嚟住。」結果老爺奶奶一到英國後，就住進了兒子和新抱的家。
「其實你寵個女唔關我事，唔好影響我就得，但而家佢兩老就住在我家，又當正自己是主人咁。層樓我同老公名，本身一直都係兩公婆自己打拼，無攞過奶奶一分錢。加上奶奶把死人口，見到佢後面就憎到前面，我真係唔慣家中有外人在，我日日都好抑鬱。」新抱又指老爺奶奶本身是個「散財童子」，只帶少許錢到英國根本不夠用到退休：「移民本身就已壓力大，仲要多個乞人憎嘅人在家，人生好苦，好想帶住個女離婚，自己過自己生活。」
很多網民都十分同情新抱的處境，認為她應該好好跟丈夫談一談，並安排老爺奶奶盡快搬走：
文章獲我的極品四大長老授權轉載
更多文章：
