網絡熱話｜港媽搭85折的不滿司機遲到促道歉 反被對方KO

的士乘客與司機發生爭執屢見不鮮。近日有一段影片在網上流傳，一名港媽在預約85折的士時遇到司機遲到，在上車後隨即批評對方並要求道歉，更拒絕支付車資並要求下車，最後反被司機反駁至無話可說。

從網上一段長約1分47秒的影片中可見，事發在昨日(7日)早上近11時，有乘客預約85折的士從觀塘麗港城前往沙田帝都酒店。一名港媽帶同女兒上車，並在開車後表示，「師傅你遲咗好多喎」，司機隨即反問「咁妳仲要唔要啊？」港媽聞言後表示，「咁我都上咗車啦」，又指「咁你講個時間係咩架㗎呢？你又話6、7分鐘？」

司機再回答，「嗱，小姐，我唔係要俾你教訓嘅。如果你認為有問題，你可以投訴，但係我唔係畀你鬧，我唔係你個細路。如果你認為我遲咗，你可以投訴我。咁我問多你一次，你要唔要車？」港媽則反問，「你依家拖咗我咁耐時間，我點解唔要呢？」司機再反問，「咁你鬧乜嘢啊？）港媽再表示，「我第一下我係鬧咩？我話你遲好耐喎，咁樣咋嘛」，隨後再表示「咁你唔係應該同我道歉咩？你遲到」。

司機聞言後即激動地反問，「我點解要同你道歉啊，咁如果我唔同你道歉咁點啊？你係咪報警啊？」港媽則指，「一係你依家停車，畀我落車呢度」。司機則指，「你係咪要喺度落車？得，27蚊」，港媽卻表明「唔得」，司機則指「唔得啊嘛，咁報警啊」，並隨即停車。港媽隨即改變主意，並指「咁你同我照去帝都啊」，司機則指，「同我玩？自己諗下邊個鬧人先啦，遲唔係特登玩你嘅，我夠想快啦，你自己心情唔好搵人發洩。」港媽隨後未有再回答。

涉事司機隨後補充指，自己在到達現場時間是11時09分，比原定時間遲到4分鐘。他又指，對方當時在電話中已經甚為晦氣，「呢個就系（係）我到達後選擇唔同佢講唔好意思既（嘅）原因，平時其實自己遲到，我都有同其他客講唔好意思的」。他續指，希望其他人明白的士司機的責任是以最直接而又可行的路線將客人送到目的地，對於部份只執著遲到就是問題的人，「我現在回答你們，就算遲到又怎樣?」

相關影片隨即引起網民討論，有人直言「好一場辯論比賽，口才，智慧並重，不愧見慣大場面的師傅」、「好有張力，好睇過電影！」等。部分網民支持司機，並指、「的士佬可以快的話 不會慢啦」、「又要平又要好服務」、「的士大佬識玩」、「司機做得好」、「老老實實又有文有路喎」、「的士司機完美ko」、「趕時間就唔好坐八五折車，錢同時間中間要取得平衡」等。

相關影片隨後被人分享至連登討論區，有人卻支持港媽，並指「點解會有人撐個司機？」、「遲到都有人撐」、「唔好講服務性行業，即使係個人赴約遲到主動同人講聲sorry係做人基本禮貌」、「其實司機遲到係應該要早啲同客講嘅，道歉就睇司機人品」等。

獲頭條日報授權轉載