家長無視幼兒著鞋踩診所梳化 港媽自行消毒籲有公德心

^港媽指，該名男童不但穿著鞋子站在梳化上，更在梳化上走來走去。iStock圖片

在外出後，鞋底亦可能會沾滿細菌及病毒。然而，有港媽日前發文指，近日帶同兒子到兒科診所求醫。期間，一名年約1至2歲的男童不但穿著鞋子站在梳化上，更在梳化上走來走去，但男童的媽媽看到他的行為卻未有阻止。港媽見狀後只好自行消毒梳化，並提醒其他家長「其實鞋底都真係好污糟，可唔可以在公共場所有返啲公德心？」

該名港媽日前向facebook專頁「生仔要考牌系列」投稿，指2歲的兒子身體不適，因此帶他到兒科診所求醫。當時在診所內有一位姑娘，另有一位媽媽、一對子女及兩名外傭。男童目測約為1至2歲，而女童則為約4至5歲，並分別由一位外傭照顧，而媽媽則站在旁邊講電話。港媽指，該名女童較乖巧，與外傭「揀書睇」。相反，「男孩子拖住工人姐姐，著住對鞋企喺沙發，再由沙發頭跑到沙發尾。」

^該名港媽指，「鞋底好污糟」，因此自行消毒梳化。示意網圖

港媽對於男童的行為感到無奈，並指「我覺得鞋底好污糟，佢咁樣踩，我同仔仔可以坐邊度？加上我兩歲嘅仔仔又唔舒服，我都想佢坐低唞吓」，又指相信男童的媽媽亦看到他的行為，卻未有阻止。她隨後只好問診所姑娘拿取紙巾及消毒火酒，打算自行消毒梳化，但由於沒有火酒，因此姑娘只給她滴露。

她指，「我見到姑娘個樣都好無奈，因為成間診所得佢一個人，佢又要打電話，又要整藥，又要攞針，所以我都避免麻煩佢」，並指相信消毒梳化的舉動引起男童媽媽的注意，對方終於示意外傭切勿再讓兒子站在梳化上走動。港媽續指，男童隨即「喊同扭計」，並指對方的媽媽看了她一眼，「個感覺仲要好嫌棄咁」。她提醒其他家長指，「就算唔係疫情緣故，其實鞋底都真係好污糟，可唔可以在公共場所有返啲公德心？」

相關帖文引起熱議，並有不少人表示認同，又指「真係好憎啲人唔除鞋踩上梳化」、「至憎啲家長比啲細路著住鞋踩上座椅，完全係自私同冇家教」、「公德心&同理心已經冇晒」等。另有網民則指，「我都成日見啲家長比小朋友踩係地鐵啲櫈度，之後又比佢哋坐返，咁不如直接坐地下，留返張櫈畀其他人坐」、「其實除鞋我都唔收貨，係應該教小朋友要坐好。當然有啲比較活潑，細個嘅小朋友就慢慢教，而唔係任佢覺得座椅係可以企嘅」等。
研究指出鞋子含菌量高

美國亞利桑那大學的一項研究曾指出，鞋子外部約有42萬1000個單位的細菌，並有約96%鞋子被驗出含有來自糞便的大腸桿菌。而休士頓大學亦曾有研究指出，在鞋底發現「困難梭狀芽孢桿菌」的機率比起在馬桶座墊上發現的機率高3倍，這種細菌更會引起腹瀉。

帖文來源：「生仔要考牌系列」

頭條日報授權轉載