明星親子 | 鍾嘉欣分享家人老公的親筆鼓勵信 感動落淚望向大家送上正能量
2022-01-24
鍾嘉欣早前回港出席TVB頒獎禮及商場活動搵真銀，日前已返回加拿大做其家庭煮婦照顧家人，不過她近年都有在YouTube經營自己的頻道，吸引約10萬人追隨。近日嘉欣上載新影片表示要分享正能量。影片中，嘉欣分享了家人、朋友和等人寫給她的信，她表示已有10年冇再打開看過，今次跟大家分享希望這些信可以鼓勵大家。
嘉欣有一位姐姐和哥哥，當她讀到哥哥的那一封已開始眼濕濕：「2004年7月22日，當我入呢一行時，佢用中文寫咗呢封信畀我，好神奇。『我係你哥哥，好耐冇見。希望你喺香港生活愉快，你去香港那一天，我好難過，你姐姐知你好有才華，會喺香港做得更好，但我心入面唔想畀你離開，你好特別，好多人都欣賞同鍾意你。』」讀到這此嘉欣哭了出來，不過她繼續讀下去：「『你首先要知道生活的困難，喺街要小心陌生人，要有健康飲食，食水果、蔬菜、飲水、牛奶、少食肉、多做運動』，我唔太同意飲牛奶同少食肉，我意思回到過去我都唔會做呢件事，不過So Sweet。」
影片尾聲，嘉欣讀到老公Jeremy寫給她的一封信：「『我每天早上起身都覺得好幸運，你令我成為世界上最幸福快樂嘅人』，多謝老公，我正在學習成為一個更好嘅人，多謝你畀我呢個機會。」最後嘉欣做一個總結，「人生真係唔容易，就算地震、風雨，都會有停嘅一日，會有彩虹出現，好好珍惜自己。」
頭條日報授權轉載
其他閱讀：