【小小豬】健脾袪濕 老黃瓜赤扁豆素湯
2019-05-27
早幾日街市冇豬肉賣但又想飲返啖湯咁點好？
咁就最好嚟返一個素湯，見街市有老黃瓜，就加埋赤小豆同扁豆一齊煲，嚟一個健脾袪濕嘅湯啦~
老黃瓜有消暑清熱、降燥火利水、解毒功效；赤小豆就利水除濕，和血排膿，消腫解毒；扁豆可以健脾和中，消暑化濕；紅蘿蔔利尿消炎；粟米健脾和胃，利水通尿，益肺寧心；陳皮主治脾胃氣滯、脘腹脹滿或疼痛、消化不良；蜜棗止咳潤肺、化痰平喘功效。（網上資料）
材料：老黃瓜一個、粟米一條、紅蘿蔔一個、赤小豆一両、扁豆一両、腰果兩両、陳皮一角、蜜棗三粒~
