【湯水懶人包】袪濕健脾 花生眉豆扁豆節瓜雞腳湯 

別說小朋友在夏天玩一陣就滿頭大汗，大朋友行落街一轉都身水身汗，所以回家少不免開冷氣，加杯凍飲，的確舒服，卻容易聚濕。身體積濕好易病，唔想病就要識得健脾袪濕！

眉豆、扁豆性質平和，是常用健脾化濕材料；花生、雞腳可以健筋骨；節瓜有生津利尿功效。用這幾種材料煲湯，濃香清甜，但要留意，對花生敏感或消化力弱就唔好落花生喇！

好多人怕煲雞腳湯太油，只要原隻雞腳用滾水飛水才煲，可避免湯水肥膩。不過食埋雞腳湯渣就作別論了。

花生眉豆扁豆節瓜雞腳湯（3-4碗）

材料：
花生1両、眉豆2両、扁豆2両、雞腳6隻、節瓜2個、薑片2片、水2公升

做法：
1.眉豆、花生、扁豆洗淨。

2.節瓜去皮切件。

3.雞腳沖洗淨原隻滾水飛水。

4.所有材料放入2公升滾水中，煲1小時即成。