【荔枝媽媽】生BB之後 會令婚姻付出代價?

最近一套電視劇，好多父母都好像睇得好有共鳴。我自己倒是沒怎麼看電視，反而各大親子平台所轉載嘅內容就比較有留意得多一點。當中好像提到男主角喺BB出世之後疑似情緒上出問題，其實之前美國Seattle有研究所指出，2/3嘅夫妻，都會喺第1個BB出世之後後嘅3年內，發現婚姻質量明顯下降。

BB出世大家都好開心，但同時你會唔會覺得身邊嘅伴侶變咗，變得唔再可親體貼、反而好像比以前多了點暴躁易怒？新手媽媽可能會覺得老公總係幫唔上忙，咩都係自己要handle晒。而爸爸呢，又可能會覺得老婆已經唔再溫柔可愛，甚至可能變得有d狂躁，事事緊張。

其實媽媽一下子由女兒身份變成媽媽身份係身體同心理上都係一個好大嘅轉變。而女性嘅感受同感覺通常都會比較強，因為生BB之後體內荷爾蒙劇烈咁發生變化、初次照顧infant baby同埋想親餵母乳都係壓力嘅來源、當然仲有由工作崗位變成轉戰家庭所帶來嘅變化啦；而新手爸爸呢，通常都係見到家中帶來各種變化之後開始轉變。

但呢一切不都是正常嗎? 我哋每個人係唔同時候都會擔當唔同嘅角色，畢竟照顧infant baby的確係會令夫妻雙方感到壓力，再加上時間嘅分配已經變得不再一樣，兩公婆嘅溝通都會減少，當然親密行為亦都會自然減少啦；萬一係照顧BB嘅過程中出現意見不一，仲可能會引起大家爭吵，咁又點會唔影響夫妻關係呢？

其實BB出世真係一件好開心嘅事，千奇唔好因為咁而令夫妻之間彼此厭惡呀！