全港22個嬉水池全面睇邊個池最多滑水梯？

2018-04-24

夏天就到，鍾意游水嘅小朋友，除咗室內游泳池之外，可以去返室外嬉水池，瘋狂瀡滑水梯喇！現時全港有43個公眾泳池，連同啱啱翻新開返嘅堅尼地城游泳池，全港總共有22個有嬉水池。港島區小朋友，有三個公眾泳池有嬉水池玩。而新界區就最多，約10個泳池有大型滑梯，好似水上樂園咁好玩。

到底… 有邊個泳池值得跨區去？有邊個泳池有最多滑水梯？有邊個泳池最少人幫襯？有邊個泳池最啱自己小朋友玩？睇完呢個攻略就一清二楚啦！

你可能想知…

上康文署網頁，會發現有幼童池、兒童池、嬉水池、戲水池… 其實到底邊個先啱玩？

康文署話我哋知，原來幼童池同戲水池都啱3歲以下小朋友玩；兒童池就適合14歲以下兒童及幼童，三者都可能有嬉水設施。

而嬉水池通常係不規則形狀，部分設有較豐富嘅嬉水設施，如大型滑水梯、蘑菇形水簾、噴水池、多用途組合嬉水設施等等。

港島區泳池　最啱幼童玩

港島區一共有9個泳池，有三個泳池有嬉水池。17年2月開返嘅堅尼地城游泳池，4月中已經開放埋室外的嬉水池，上年西環區居民要去嬉水池，就要去柴灣游泳池以及港島東游泳池，今年唔需要再搭車去游水，原區玩返夠本。另外位於黃竹坑的包玉剛游泳池係全港島區最大公眾泳池！雖然冇嬉水池，但兒童池和戲水池都有玩樂設施。

【堅尼地城游泳池】