【2020年更新】全港61間親子餐廳大檢閱

近年愈來愈多爸媽喜歡帶孩子去親子餐廳用膳，貪小朋友有得放電，玩得開心之餘，自己又可以舒舒服服咁享用美食。為咗廣大爸媽以後都可以「有啖好食」，我哋特意整理最受觀迎嘅60間親子餐廳 ，遍佈港九新界，一次過同你睇晒，唔使再左搵右搵！

港島區 親子餐廳

1. Rabbitland Cafe

貓狗cafe大家就聽得多，又有冇去過兔仔主題嘅cafe呢？呢間全港首間兔仔主題 嘅Rabbitland Cafe 位於銅鑼灣，由愛兔之人嘅店長創辦。店內設最低消費，但價位親民，係個好選擇。另外，兔仔餐廳有守則要遵守，定立原因係想保護兔仔。因為兔仔本身比較膽小，所以小朋友必須要控制情緒，唔好喺場入面尖叫、大嗌以及追逐兔仔，因為咁樣會令到兔仔受驚。如果兔仔受驚嘅話，後果好嚴重。

▲進入餐廳必須要著襪仔，如果無嘅話，都可以同店長或職員購買($10/對)。

▲而餐廳到處都會有兔仔嘅裝飾，仲有免費wifi服務提供。

▲兔仔四圍走，當你專心食嘢嘅時候，可能突然會有隻兔仔走過你腳底~ 呢個時候，千祈唔好咁緊張，同即刻伸腳呀，咁樣係有機會會傷害到兔仔。

▲店長兔 – 麵包Bread

▲餐廳入面有15隻兔仔，但要留意客人只可以輕撫兔仔，唔可以抱起兔仔o架。

▲每個兔籠/ 欄入面嘅兔仔，都會掛上佢嘅姓名牌、小資料。

▲飲品同食物選擇都算多，有單點亦有套餐可以選擇。

▲蕃茄蜆肉意粉 (HKD68)

▲大食拼盤 – 炸魚手指、麥樂雞、炸豬肉餃子、雞翼 (HKD68)

▲凍香甜朱古力 (HKD38)

2. Strokes