【終生受益】33個懷孕時做 運動 的好處

產前做 運動 係人都知好，但有乜好又未必講得到。有外國網站綜合不同研究，講出33個產前 運動 的好處，不但幫助到媽咪，連帶BB長大後都同樣受益。正到咁喎，你無理由唔想知，更無理由懷孕唔做 運動 啩！

1.肥少啲。孕婦肯做 運動，相對那些唔肯的，會重少7磅，但仍然喺正常體重範圍內；換言之，懷孕做運動，生完唔怕肥，又唔使減得咁辛苦。

2.易生產。當然無保證，不過做 運動 令孕婦腹肌結實、心血管循環變好，推BB出嚟都多啲力氣。有研究更指，孕婦產前定時做水中健體操，生B時攞止痛藥的機率，較唔做 運動 的孕婦少58%。

3.降低患妊娠糖尿機會達27%。懷孕時血糖過高，產後10年患糖尿病的風險都會增加，亦提升早產或BB超重的可能性。若你血糖已高（因遺傳和年齡關係，很多好fit的女性都有），但 運動 可助防止及延遲你服用胰島素及其他藥物的機會。

4.開心咗。愛做 運動 的孕婦較那些久坐不動的媽媽，情緒更佳。

5.痛少咗。約2/3產婦會經歷背痛，但水中健體操、瑜伽、針對盆骨的 運動 等，能有助舒緩痛楚，尤其在懷孕期後半段。

6.減少便秘。助孕激素黃體銅的影響，加上子宮變大，孕婦腸道受壓，會經常便秘。但 運動 配合高纖膳食，能助消化系統變活躍。

7.充滿能量。孕婦有天會發覺連拿起搖控器都好艱難，然而10分鐘的步行能令你再度充滿活力。

8.BB苗條啲。BB出生時過多脂肪，到幼稚園時有可能會過胖。媽媽生超重的新生兒，同時又患妊娠糖尿，日後患糖尿病的風險會增高。

9.一生鬆弛。講的係你的關節。懷孕期間，助孕激素令盆骨鬆開，方便生產。若這時多做伸展 運動 ，如產前瑜伽班做的一類，女性日後都受益。

10.避免生產時用產鉗、開刀或其他輔助法。研究發現產前定時做 運動 ，可減少75%用產鉗的機會；少55%接受外陰切開手術、少4倍需要剖腹生產。

11.中年變更苗條。研究跟蹤生完BB廿年的婦女，發現懷孕期持續做 運動 的，較那些停止做 運動 的孕婦，跑兩公里路快兩分半鐘。

下頁：可以減少不適徵狀

相關文章：【每周三次】產前運動防病助收身