江若琳當人母後生活大改變 37歲生日晒崩潰圖
2024-09-30
江若琳 (Elanne) 剛於9月30日迎來37歲生日，早前與丈夫蕭唯展 (Oscar) 及愛兒Owen到泰國旅行慶祝。早前，Elanne 在社交平台分享多張與兒子的合照，幽默地稱之為「老母肥包崩潰圖」。
自從去年6月Owen 出生後，Elanne 的生活重心都放在兒子身上。她提到：「平時艾豬（Ig）好溫馨個啲通常得幾張，但崩潰圖大把，以前去旅行，每日一起身扮靚靚諗下去邊間coffee shop chill﹑邊間餐廳好食，而家每日就係諗邊到有好玩嘅play house﹑水族館，邊度可以令BB happy，食飯都只可以揀佢哋食得嘅餐廳，但我覺得而家係我人生最幸福嘅時光﹗因為我擁有最好嘅生日禮物。」
即睇江若琳 Elanne分享多張與囝囝的合照:
Oscar 也在社交平台上分享一家三口的溫馨照片，公開向愛妻示愛，更打趣地說不用再買生日禮物。他感性地寫道：「自從你出世之後，每次一家人出街我都戴著呢個肚兜，雖然好緊好熱好攰，但我好享受每次抱緊你嘅時間，因為你就快識行了，抱得一次得一次，你帶比一家人好多歡樂，亦係我哋最好的禮物，所以今日媽媽生日，我也不用買禮物了，唔該Owen﹗老婆happy birthday，送個仔比你，他很孝順的，I love you 青春常蛀（駐）。」
更多文章:
