新手爸媽 花4萬誤請 黑心陪月 拎合約+BB相去借錢 苦主慘成「借貸諮詢人」
2024-08-29
不少 新手爸媽 都會聘請陪月員，協助照顧坐月的媽媽及新生BB，但有人用4萬元月薪卻誤聘 黑心陪月 ，不但工作期間不斷用電話、手抱BB時睡着，更甚的是利用合約及BB相去財務公司借錢。
及後事主將這名 黑心陪月 解聘，但是他們卻接到財務公司的追數電話，原來 黑心陪月 在他們不知情下被成為「諮詢人」。最後他們報警求助，但至今仍未找到對方，令這對苦主感到非常無奈。
新手爸媽 花4萬誤請 黑心陪月
TVB節目《東張西望》昨日（28日）報道，陳生陳太（化名）因為迎接第二胎出世，於是在朋友的介紹下認識1名陪月員，由於她的過往口碑及表現都好，於是在今年5月決定以4萬元聘用。
然而，陪月員開工第2日，陳生陳太已經發現她「有啲神不守舍」，疑似有追數電話找她，終日在「撳電話」。陳生表示：「我唔係唔俾佢咁做，但係BB未瞓覺，就算抱住BB都喺度撳電話。」陳太更透露：「試過聽到佢電話啲內容，『你係咪想逼死我？』再唔係就話『我而家唔方便，收工先搵你』又或者『命就有』。」
除了懷疑這名陪月員欠債被追數，她更突然表示媽媽入院，私自找人頂替2日，及後更將食物煮燶，陳太亦分享更離譜的事：「瞓覺嘅時候，突然聽到BB好似濁親嘅聲，我哋開cam嚟睇，發現喺BB飲奶嘅時候，BB係擰歪咗塊面去飲奶，而佢只係單手餵奶，全程喺度撳電話。」
翻看閉路電視畫面，陳生陳太更發現陪月員抱着BB時睡着，非常危險，結果陳生陳太於僱用她9日後終止合約。
餵奶時用電話、手抱BB時睡着 僱用9日後被終止合約
以為將陪月員解僱，事件可以告一段落，但某日陳太收到財務公司電話，原來對方利用僱用合約及BB照片作抵押，向多間財務公司借貸。陳太表示：「追數嗰個人嗌得出我個名，問嗰陪月係咪喺度返工，我話炒咗嘅時候，佢都好愕然，問番我係幾時炒。」
原來借錢一事，在陪月員被炒後一星期發生，陳太更指：「唔止1間，係3間，一間借咗7千幾，另一間係1萬，仲有間係借咗萬幾，嗰個人仲話冇人搵到個陪月，佢連第一期數都冇還，所以先搵我，因為我係緊急聯絡人，呢件事連我自己都唔知。」
陳生更表示，自己竟成為「借貸諮詢人」，並多次收到財務公司的電話：「佢哋話呢個陪月爭好多間財務公司嘅錢。」他亦擔心自己成為擔保人。查詢之下，陳生陳太得悉有其他苦主，因為陪月員亦有用另一份合約去借錢。「我最驚係佢哋上門追數，影響我啲屋企人。」
利用合約及BB相借錢 僱主成為「借貸諮詢人」
行內人士揭露其他 黑心陪月 手法
陳生陳太現時已經報警處理，但仍未找到相關陪月員，有朋友指曾於內地見過她。
至今仍未找到相關陪月員
陳生坦言：「完全係匪夷所思，呢個陪月應該係有預謀夾帶私逃拎啲錢走佬，我哋都冇諗每個月3、4萬咁俾，原來自己係最慘嗰個。」
來源：TVB《東張西望》
更多文章：
