【小小豬】清熱祛濕羅漢果粟米芯茶
2016-07-19
羅漢果之前煲過好幾次，小小豬都係唔多鐘意飲，佢又未至於唔肯飲，只係次次都唔多願意咁啦，或者就係因為嗰一種甘甘的味道，所以佢就唔鐘意啦！
上網見有朋友仔介紹，話將羅漢果加埋乾粟米芯一齊煲，就可以甜甜地得味道唔錯之餘嚟，仲對清熱解暑同祛濕用途，咁就啱晒依個天氣飲。
乾粟米芯有利尿減肥、清熱、消暑祛濕 利尿祛濕功效；羅漢果有清熱解暑、化痰止咳、涼血舒骨、清肺潤腸和生津止渴等功效。
問過我相識嘅藥材店老板，佢都話依氣坊可以啱小朋友夏天解暑祛濕飲，所以就買材料又試下小小豬飲唔飲先。
材料就只係兩樣，乾粟米芯約兩半及羅漢果一個~
乾粟米芯水浸洗一陣；羅漢果壓碎~
煲內放入三公水，然後加入乾粟米芯及羅漢果~ 