連詩雅晒巨肚比堅尼泳裝照！下月生B前最後陽光與海灘 手腳纖幼唔似陀B

連詩雅去年4月與陳家樂結婚，今年2月宣布懷孕好消息；連詩雅昨日（30日）過36歲生日，在IG分享陀B感受，又見她分別與老公陳家樂、媽咪及好友慶生。今日連詩雅在IG大晒比堅尼泳裝照，背面看來完全不似正在陀B，身材依然Fit爆！

連詩雅昨日過36歲生日，昨晚在IG撰長文講近月的陀B感想：「今年特別多感受，當媽媽前的最後一個生日，亦都倒數最後幾個禮拜，就迎接Camila嘅來臨，心情又緊張又興奮但係亦都有啲驚，同埋竟然有少少唔捨得呢個過程。」連詩雅指身體及思想上也有不少變化：「個人變得好容易感觸，亦都多咗好多思考事情。我以前從來都係一個，好容易被好小事影響我情緒嘅人，但係當身份真的即將轉變，睇嘢會唔同咗、放輕咗。」連詩雅又多謝身邊的朋友、家人、粉絲：「同時都真係好感恩身邊有咁多咁錫自己嘅人，謝謝你哋，多謝你哋所有既祝福」

 今日連詩雅再加碼大晒泳裝照，留言說：「應該好一段時間都暫時冇得陽光海灘㗎啦！謝謝有人出差之前陪我玩一玩。」相信是老公陳家樂出埠工作前陪連詩雅去玩。照片見連詩雅身穿桃紅色比堅尼泳裝大晒巨肚，不過背面看來身材依然相當纖瘦，完全不覺得是正在懷孕中，身材依然勁fit！

星島頭條授權轉載