【幼兒面試無得輸系列】面試前怎教？
2016-07-18
話咁快幼兒園、幼稚園面試又嚟啦！幾歲人仔去面試，無限狀況隨時發生，一個唔該大哭大鬧，報名費無咗事小，失去入讀心儀學校的機會事大。所以事前有乜要準備？面試有乜要留意？出現突發狀況點處理？就由Fannyee話你知。
Fannyee，李莉芬，讀過心理和幼兒教育，從事幼兒教育工作30多年，做過校長、老師。開辦「幼兒專題講座」近千場，為家長解答無數育兒問題，裝備家長成為優秀家庭教師。
她從今天起一連4日，跟大家講「 面試 前怎教」、「教寫Portfolio」、「對答小tips」，以及「應付4大突發狀況」，密切留意。
返幾多playgroup先夠？
以為要上很多，絕對是錯。小朋友不是雞，打針就可以谷。
其實，有些幼兒園是考家長，看家長用甚麼語言。但家長又不用太緊張，明明不懂普通話，不應亂講。家長態度亦重要，遲到進來，不停叫：「借開、借開」。借甚麼？我是校長來的。遲到好應該有禮貌說聲：「不好意思！」
但真的想小朋友上playgroup，不用太多，一個就夠，且要選學校模式，一班小朋友圍圈坐，唱歌講故事，有少少規矩，不能太free。
不用特別上英文班。我在九龍塘幾十年，就算St Catherine都不會一開始就考小朋友講：「Hello, how are you？」