洪永城 再添一女即搬大屋 細女滿月漸變「Sir Face 2.0」 新相曝光新居寬闊內貌
2024-04-22
40歲 洪永城 與太太梁諾妍(Inez)於2021年結婚,同年誕下女兒「Sir Face」洪靖嵐(Amber),上月21日細女Beryl已平安出世,更被網民封為「Sir Face 2.0」。21日梁諾妍再於IG貼出囡囡滿月相片,並大讚Beryl好鬼正,「多謝你咁食得咁瞓得咁屙得,個雙下巴仔真係好鬼正!」而梁諾妍卸貨前,原來洪氏一家已經搬了大屋迎接細女Beryl來臨。
洪永城 細女Sir Face 2.0滿月萌照:
梁諾妍於IG發文,透露細女Beryl已經滿月,她寫道:「有個妹豬滿月啦!多謝你咁食得咁瞓得咁屙得!個雙下巴仔真係好鬼正!呢個妹好少喊,唯一而會喊得好大聲就係肚餓心急等唔切嗰時(似唔似白羊座直率衝動嘅性格?)但係唔知點解,阿媽都覺得你喊嘅時候好可愛,喊得好好聽,要繼續健健康康,爸爸媽媽就最安慰」,梁諾妍更Hashtag「同家姐細個好似樣haha」、「應該都真sirface」,梁諾言貼出Beryl的最新相片,Beryl的樣子越來越似洪永城,網民讚洪永城基因強,「洪生基因實在太強」、「又係老豆個樣」、「點解咁多個”洪永城”」、「唔公平啊!點解又係洪爸個樣」。
洪永城一家溫馨照:
梁諾妍晒Sir Face唱歌片曝光大廳
梁諾妍在IG的限時動態分享Sir Face望街唱《Rain Rain Go Away》的影片,Sir Face更爬上一張張新簇簇的按摩椅,而大廳明顯比之前闊落及光猛。再翻看洪永城與梁諾妍的社交平台,原來洪氏一家早在農曆新年前搬了大屋,之前的舊居是用上地磚鋪地,而新居則用上木地板,似乎是為了家中新成員而換大屋!
獲星島頭條授權轉載
更多文章: