工人姐姐 ｜返工2星期想辭職 瞓地投訴被虐待「博炒」 僱主網上求助：可以點做？

不少人會聘請外傭處理家務，不過若請到一名工作馬虎、態度惡劣的 工人姐姐 ，作為僱主會相當頭痛！近日有僱主於社交平台發帖，抱怨新聘請的印傭返工僅2星期便想辭職，有不滿即「瞓喺個地下度唔郁」，更反指被僱主虐待「唔俾嘢佢食」；事主明言「知佢係博炒」，於是詢問網民可以怎樣處理。

僱主抱怨新聘請 工人姐姐 為「博炒」奇招百出，甚至「瞓地唔郁」：

這名僱主於社交平台群組「外傭僱主必看新聞訊息」發帖指，新聘請的印傭返工僅2星期便想辭職，於是聯絡中介作溝通，事後印傭表示可以繼續工作，但隨後的工作態度變得惡劣。事主於帖文分享印傭躺在地上的照片，並指她現時「一有不滿就瞓喺個地下度唔郁，話好累」，叫她不要睡於此，她就坐着繼續「唔郁」。

印傭表示不食豬肉，事主每餐為她準備沒有豬肉，而是有菜有魚的餸菜，但對方卻指事主「唔俾嘢佢食」；事主明言，「知佢係博炒，唔知仲可以點做」。帖文引來不少網民同情，不少網民指曾遇過類似經歷，更貼出自己的工人姐姐「博炒」前「hea做」的照片。

另外，不少網民亦留言，建議事主可以在家中安裝閉路電視作記錄，亦有人試過用各類「奇招」，甚至「call白車」，工人姐姐便會立即起身工作。

來源：「外傭僱主必看新聞訊息」fb群組

更多文章：

楊卓娜 送工人姐姐純金戒指感激付出六年青春 一家人送機囡囡不捨爆喊

工人姐姐希望與僱主一家慶祝母親節 港女：佢喊晒口話香港一個親人都冇