夫妻關係｜奶奶離世留2000萬遺產給2子女 新抱竟要脅分1份否則離婚
2023-04-24
講錢傷感情！近日有港男在網上討論區發文，指其母親早前不幸離世，留下了港幣2,000萬遺產給他和家姐，可是太太知道後，提出要將遺產分3份，若果不從就會跟他離婚，令他心生厭煩。加上太太過去的種種行為，令事主有感對方當自己是「提款機」，故在網上問網民意見，再決定是否離婚。
事主日前在「香港討論區」發文，表示自己與內地太太結婚5年，育有一子一女，而太太則剛拿到香港身份證。事主出身於單親家庭，自小與母親和家姐相依為命，感情甚好：「媽媽在世的時候，經常教導我們親情第一，不要為錢傷感情，所以我、媽媽和家姐傾好咗到時遺產會一人一半。」最近事主的母親不幸離世，留下了2,000萬遺產，並委任了他成為遺產執行人，沒想到惡夢就此發生。
「我太太知道遺產在2,000萬，同我講遺產要分3份，佢都要有一份！我同太太講遺產係媽媽嘅錢，就算分都同佢無任何關係！之後佢話我哋有2個仔女，第時仔女讀書、教育樣樣都要錢，而家住緊間公屋根本唔夠大，點解唔拎多啲錢買大間屋！仲話遺產唔預埋佢一份，就同我離婚，真係激到我死死吓！」
後來事主補充指，自己從來沒有想過會因為錢而離婚：「剛結婚時，因為佢嗰邊風俗要12萬8禮金，我呢邊都照俾；佢鄉下嘅家人冇屋企，我家人都出咗首期俾佢哋買樓，等佢哋自己供。大仔出世嗰時原本諗住大陸生會平啲，最後又係要問家姐借錢，在私家醫院揀日開刀生，收費15萬。」他又表示，自己每月人工雖然夠一家四口用，但這5年來每月的人工都會全數給予太太，自己只剩下$1,500作平日開支，家中家務由事主包辦，認為自己對太太已經很好：「自己我同家人對佢唔差，我媽媽也當佢係自己個女咁照顧，真係唔明點解要咁對我哋！」
很多網民都十分同情事主，更力撐他跟太太離婚：
在看過網民的留言後，事主終下了決定，決定跟太太離婚：「最後決定咗我唔要份遺產，將我嗰份都俾埋我家姐，太太知道咗我唔要份遺產，向我提出離婚，而家準備搞緊離婚手續！我唔明白點解佢要喺仔女面前講我是非，話我唔係一位盡量嘅好爸爸，喺佢哋面前話爸爸唔要佢哋，真係想喊出嚟！」
「因為我信得過我家姐，所以我先將自己嗰份放住喺我家姐度先。呢排諗得好清楚，以前結婚嗰時幫親家俾首期，禮金又10幾萬，已經當我似提款機多啲，所以我唔想將媽媽嘅錢再益佢！」
來源：香港討論區
更多文章：
