英國升學│High Tech 不如B Tech｜Samuel Chan

當好多心急的媽咪問佢哋個仔點樣去到 英國 ，行一條甚麼路可以入牛津劍橋的時候，這幾年，我的標準引導方式式是：我明白，全世界所有的女人買手袋，一定首選愛馬仕或者Chanel；或者港女揀男友，反而唔會Prefer姜濤，首選一定係成熟智慧型的 黃子華 。

我時時溫馨提示： 黃子華 唔係由哈佛耶魯或者牛津劍橋PPE畢業，而是加拿大某間大學。讀嗰科係全世界僱主最唔願意聘請的哲學系。

黃子華 攞彩，唔係拋書包在大學講老子和尼采，而係以佢嘅想像力將哲學結合，以香港特定嘅現實社會常識邏輯，見人所不能見，言人所不敢言，所以開到十場紅館，盤滿缽滿。

或者可以咁講：世界上有好多自以為懷才不遇嘅哲學博士，但地球上只有一個化理論為利潤、路路通嘅黃子華。

因為沒有一個哈佛劍橋牛津PhD可以在紅館開20場講人生哲學，跟住一套電影做主角香港淨收一億。

黃子華唔係名校PhD，英國的B Tech，就可以係另類的人才、幹才、專才的教育工廠。