英國升學│二月牛津劍橋親自來香港搵你｜Samuel Chan
2023-02-15
∧ Photo by Darya Tryfanava on Unsplash
疫情基本結束，英國教育產業和香港家長分隔長達三年，兩地相思，慘過牛郎織女，但唔怕，今個月底的18號，多間英國名牌中學，包括Merchiston Castle、Loughborough Grammar School、Berkhamsted School等，其中有幾間仲係第一次香港亮相，終於可以兩地相會擁抱了。
《給十九歲的我》中的六個女生，其中有一個在成長的過程中，話俾導演聽，佢嘅夢想就係升讀劍橋，點知最後end up 入咗香港科大。其實唔使唔開心，入唔到劍橋不是世界的終結，科大都係排名全球100名。
但這件事反映出：無論是英華還是漢華，去英國升學入讀牛津劍橋，係每一個用功讀書學生的終極夢想。
但一向以來，大家都要先去英國寄宿學校幾年，透過寄宿學校的過渡期脫胎換骨，在英國先有機會由寄宿學校的老師介紹劍橋牛津的大學生活。
例如香港已故戲劇大師古天農個仔Justin，就讀一家寄宿學校，佢一心想讀工程，但係冇信心入牛津。不過佢個老師慧眼識英雄，覺得阿「古仔」有足夠入牛津的Potential，但係Justin 都仲係未夠自信。於是學校的英國老師親自用一個星期六的時間，親自揸架私家車，由寄宿學校載Justin去牛津，親自帶佢入校園遊說，話俾佢聽點解覺得佢有能力入得到牛津，又講解牛津的大學生活。回到寄宿學校，再三鼓勵佢填表報考，首選報牛津。
Justin重拾自信，終於願意一試，結果如願以償。依家已經大學畢業，在英國任職工程師，年薪已經高達六位數字英鎊。
咁係咪個個都要好似佢咁幸運遇到貴人，入到英國寄宿學校，先有機會近距離一睹牛津劍橋真面目呢？今年2月25及26日，我的升學顧問公司，邀請了牛津劍橋的教授遠道飛來香港，親自在教育展向香港學生解構牛津的教學方式、劍橋的留學生活，以及親自解答同學報讀這兩間大學要注意的事項。
感謝這兩家名校對我們的信任，香港有史以來，牛津劍橋的教學人士移玉步來香港，親自與香港的同學仔見面，讓大家有機會預先知道這兩家夢想學府的詳細情況，知道了才會計劃如何搭一道天梯攀登上去。這道天梯，就係如何選擇一間寄宿學校，我們當然會繼續幫助你。
Justin 當年自己一個人在英國的寄宿學校，幸好遇到一位良師，但不是個個都像他那樣幸運。其實，說真的，牛津劍橋也未必適合每一個人。例如校舍相對殘舊，體育設施方面，游泳池可能不夠其他英國著名大學那麼大，划船可能係唯一最出名的運動，一年一度自己相鬥。What if 如果你喜好的運動係李慧詩的場地單車，牛津劍橋並無相應令你滿意的設施，咁又何必一定要堅持？
在英國升學方面，不必發愁。今年我們的教育展，規模比以往更龐大，有更多的名牌大中學來香港與我們合作，到時預先為你解答升學疑難，助你輕鬆入讀寄宿學校和著名大學。總之，我哋今個月底恢復做啦，大家開心番D，你都可以做到「古仔」㗎。
作者：Samuel Chan
其他文章：
英國升學｜BNO家庭熱門選擇 Norwich School全天候英語環境助融入｜Samuel Chan
牛劍搖籃｜Cardiff Sixth Form、Oxford International College 該如何選擇？│ Samuel Chan