英國升學│英國天寒地凍有乜好 唯有暖爐寒窗讀書高│ Samuel Chan
2022-12-22
今年英國早落雪，寄宿學校的香港仔仔囡囡，哥哥聽媽咪話，及早執行李，趁着香港0+0不需酒店隔離，搶閘回香港過一個好食好住又有菲傭印傭姐姐執房洗衫的溫馨寒假。
而我，睇完美斯阿根廷射十二碼打贏法國的世界盃總決賽，就要逆向執行李去英國過聖誕。
好多家長朋友很關心，問：Samuel，我哋都知你為我哋啲仔女好奔波頻撲，原來你仲要趕住同女朋友去過白色聖誕。英國天寒地凍，萬一唔好彩感染Omicron ，我哋好心痛㗎。
收到眾多家長朋友窩心詢問，心思細膩的不難發現有一兩個旁敲側擊，想打聽我聖誕過英國，會唔會帶女朋友，或者，我過咗30歲其實係咪仲單身。
在此多謝各位對我，包括本人私人感情狀況的關心。But——
我選擇這個時候去英國，確實係為我哋香港兒女準備2023年9月的升學緊急安排。
不要以為英國通脹嚴重加難民危機，英國各地的中學，因為過去一年大量BNO人士子女湧入，學額緊張過舊年。以往每年我都苦口婆心勸喻家長，抓緊時間在九月和十月底之前提早入紙申請定明年九月年度入學，以便在十一月底進行第一round 篩選，若果學校不取錄，仍有時間趕在一月初，參與第二輪收生申請。
亦即是正如一間米芝蓮餐廳， 深受市場歡迎，一晚可以做兩輪客，指定book 檯，第一輪六點入席，八點前交檯，另有遲一批客要來。
英國的寄宿學校，今年幾乎間間都變成米芝蓮。即使十月底前第一輪，實在太多人衝閘，學額早已不敷應用。
收到很多間學校校長短訊：你們香港今年發生了什麼事？聽講你哋有輿論唱到英國經濟崩潰邊緣，但我們收到的申請表空前擠擁，很多天才兒童，還有十分Strong 的申請者，我們要忍痛割愛。
例如，在南部海邊城市Brighton新開的Oxford International College （OIC）分校，只收三十人，即使申請表，收到五六十份就截數，所以無論如何都新年假期之前就一定要入紙了。
OIC係新進的私立學校，近年成績非常驕人，由於在牛津，學生近水樓台，書卷氛圍下，讀書特別用功，入牛津劍橋人數直線上升。牛津空間有限，於是南向Brighton 開分校，以報答香港學生勤奮上進精神。
雖然對國際已經大半開關，香港人仍心事重重。這兩天執拾行李，帶埋國際車牌，和幾個同事整裝出發，除了租一架車，加行李器材，仲要問遠在倫敦的朋友才子借多架。
忽然想起，對，辛偉誠做了英國首相，英國傳媒強調他就讀的寄宿學校就係Winchester，難怪今年香港家長又買重英國教育啦。不過英國輿論不看好，認為這位印度人只會過渡兩年，好讓到時熱潮減退，學生順利一擊即中，兩年後我就可留在香港過聖誕啦陰功。
作者：Samuel Chan
圖片來源：路透社、AP、星島日報
其他文章：