「御用紙皮婆婆」許碧姬60歲入行全因腦中風女兒 每日為見一面搭2小時巴士

2022-12-13


鍾麗淇為照顧患罕有病的大女Isabella,多年來不辭勞苦,即使遭受歧視亦只能躱在廁所爆喊。圈中有不少辛酸媽媽,為照顧患病子女出心出力,無綫昔日的「御用紙皮婆婆」資深甘草許碧姬,當演員的原動力是來自1996年不幸腦中風的大女,當時她即使一邊拍戲,一邊照顧女兒,亦繼續堅持演員路,全因投大女所好。

 

今年91歲的許碧姬曾是無綫「御用婆婆」,演出過多部劇集,不過大多只是得幾句對白的跑龍套角色。最令人印象深刻的是她不時做紙皮婆婆執紙皮,2015年在《情越雙白線》中與郭鋒爭鋁罐。最近一次幕前演出是在2021年無綫劇《逆天奇案》飾演楊明的外婆。2019年曾客串ViuTV劇《婚外情》,與鄧萃雯有對手戲。有份演出獲獎無數的《桃姐》,是葉德嫻的老人院院友、江美儀媽媽。

許碧姬去年曾亮相無綫節目《日日媽媽聲》細數照顧患病女兒的軼事,才令她的感人故事得以廣傳。許婆婆18歲便投身社會,1966年結婚誕下四名子女,同是兼顧配音工作,她後來在1991年已屆60歲之齡才加入無綫,許婆婆表示是因為一來怕退休生活變得無聊,二來是大女喜歡睇劇也愛追星。可惜好景不常,1996年許婆婆大女在36歲腦中風,四肢癱瘓,她在訪問中憶述:「醫生話佢腦中風,醫院床位緊絀,叫我搵地方畀佢療養。我話我等政府,醫生反問我:『你幾歲,點照顧佢?』我話:『65,我一邊照顧佢,一邊等啦!』」

許婆婆家中依然有大女的位置。

點擊圖片看詳細故事:

等待6年終於等到元朗區的療養院,雖然當時許婆婆住在沙田,但仍每日長途跋涉搭巴士探望愛女,有閒餘時間就去拍戲:「要拍戲得半個鐘都去,佢習慣見我,拍戲有好多嘢同佢講,影相畀佢睇吓。」婆婆更表示:「無論對白多定少,我都鍾意去做,因為咁樣係為咗我個女。」

許婆婆多年來不辭勞苦,原來只為躺臥在床的女兒得以看見世界:「大女不嬲都鍾意睇電視,又鍾意明星,我諗我去做吓戲,就可以有好多明星合照,畀佢高興吓。」女兒患病19年後離世,雖然至今已離世多年,但許婆婆依然想念女兒:「雖然佢過咗身,我好寂寞,不過唔緊要啦,我同佢去旅行影咗好多相,成日都拎返出嚟睇,咁個心舒服啲。我諗住佢病咗咁耐,19年咁長,佢辛苦我又辛苦,都希望佢早日得到安息。」

多年來許婆婆不時集郵:

獲星島日報授權轉載

其他閱讀:

名人訪問丨黃建東被笑搲撈王好怕乞人憎 蔡國威講遺憾一提老竇即喊

名人訪問丨陳美齡唔使乖孫入史丹福 快樂更重要 提議囝囝熟讀媽媽著作湊仔唔會慌

熱門文章

前港姐林穎嫺18歲囡囡 選美超越媽咪全盛期 考入UCLA文武雙全
04-03
前港姐季軍 袁彩雲 宣佈離婚? 神情嚴肅稱我離婚了 直言需要私人空間
04-04
旺角14歲少年教胞弟做功課情緒激動 敲碗意外傷弟額頭
04-05
油麗邨14歲少女暈倒 父親發現報案惜送院不治
04-05
巴西孕婦10多次產檢都是 雙胞胎 生產時卻只剩一子 政府坦承檢查結果有誤
04-04

港漂疑霸佔電梯大堂建鞋櫃 拆消防門改裝走火通道成工人房
2025-04-06
葉翠翠 兩度患抑鬱症曾想輕生 細仔曾病危須即做手術插到周身喉
2025-04-06
東京 車禍 |往河口湖2旅遊巴追撞47人傷 6名香港旅客送醫檢查
2025-04-05
皇室堡 玩具店驚現「賊父子」 明目張膽偷玩具 網民:教壞下一代
2025-04-05
東京醫院設首個「 嬰兒郵箱 」 允許匿名安全棄嬰 放置1分鐘內啟動通報
2025-04-05
旺角14歲少年教胞弟做功課情緒激動 敲碗意外傷弟額頭
2025-04-05
查看更多   ▸