名人訪問丨黃建東被笑搲撈王好怕乞人憎 蔡國威講遺憾一提老竇即喊
2022-12-09
黃建東與蔡國威早前奪得TVB《全能司儀選拔大賽2022》冠軍，有機會在台慶《香港小姐再競選》中任司儀，兼且雙雙入圍角逐「飛躍進步男藝人」。蔡國威喊住表示未能跟已故爸爸分享喜悅是人生憾事；而東東於家中開live就激動爆喊，感慨成績得來不易。
奪全能司儀後，黃建東及蔡國威多咗好多觀眾認識。
黃建東與蔡國威最開心得到認同，多咗好多觀眾認識。入行11年，41歲的黃建東形容入圍「飛躍」經已係一件好榮幸的事；而49歲蔡國威分別在ATV及TVB工作20年及6年，現在才有機會提名「飛躍」獎已經賺咗，他笑說：「咁舊公司都冇呢啲獎，所以呢個對我嚟講係一個交代。」
齊齊為事業打拼。
兩人多咗好多觀眾認識感到好開心。
中佬的心事
問到被封為「6樓搲撈王」嘅東東是否代表成功搲撈呢？他尷尷尬尬說：「其實之前完全唔知道有呢個封號，聽到都有啲難受，搞到我家唔敢再上6樓製作部，好驚啲同事覺得我好煩，變咗好乞人憎。」講返以前厚住面皮摸上6樓，他說：「我Feel到同事未必想同我傾偈，有啲甚至遠遠回應『得㗎喇！有適合會話你知。』打發我走，我惟有打圓場，9秒9話打搞晒，係一件好唔型嘅事。」
-
- 東東及威仔孖住入圍角逐「飛躍進步男藝人」獎。
-
- 兩人奪全能司儀得來不易，所以開心到不得了。
-
- 東東賽前唔知自己被封「6樓搲撈王」，形容有啲難受。
-
- 東東過往都「搲」到唔少好角色。
-
- 阿姐都有點名大讚東東多才多藝。
-
- 東東獲獎後回家開直播，表現同樣好激動。
-
- 東東否認成功搲撈。
蔡國威自言面皮薄未上過6樓。有今日成績，除咗多謝舊公司幫忙，他帶淚感謝已故爸爸：「我係單親家庭長大，爸爸反對我入行，兩父子經常為此而爭拗，但其實佢內心對我好好，最遺憾當年被人話喺二奶台做『二打六』，又攞唔到錢返屋企，到我搵到錢時佢就病咗，對佢補償唔到，兩父子連旅行都未去過。」
-
- 威仔唔想變喊包，但一提到爸爸眼淚就失控。
-
- 東東見蔡國威情緒激動，不知點算好。
-
- 威仔話亞視台前幕後幫佢好多，圖中「亞視之友」江美儀、鮑起靜、陳啟泰、韓君婷、袁文傑等。
-
- 威仔同朱慧珊係當年亞視一哥及一姐。
-
- 蔡國威自言面皮薄未上過6樓。
採訪：方騫平
攝影：鄧國良
服裝：ROMAGO(黃建東) 、DECISION(蔡國威)。
獲星島日報授權轉載
其他閱讀：
名人訪問丨陳美齡唔使乖孫入史丹福 快樂更重要 提議囝囝熟讀媽媽著作湊仔唔會慌
名人訪問丨岑珈其期待同囝囝去張保仔洞探險 聲演《奇異大世界》圓三代同堂歷險夢
