網絡熱話|心愛電競椅被未婚妻刻意割爛 港男心灰意冷決定退婚
2022-10-25
婚姻是一輩子的承諾,如果在婚前發現另一半與自己的價值觀不同,大家會如果選擇?是繼續走下去,還是「止蝕離場」?近日有一位港男在社交網站上分享自己與未婚妻分手的故事,不少人都認為他選擇離開是沒有錯的決定,因為婚姻是貴乎包容、互相遷就,只有單方面的妥協就終會成為怨偶。
日前事主在Facebook群組「巴打絲打「00九吹專區」Facebook Club」發文,指自己與未婚妻買樓後,家中所有裝修都由未婚妻決定:「佢鍾意咩日系木調,搞到成間屋診所咁都由佢,但我唯一小小夢想就係有張打機專用電競椅,都知事前講一定唔批,咪諗住先斬後奏,買咗送咗貨米已成坎,佢都應該會包容啩。」
可是,接下來發生的事並非如事主所想像的,他憶述當日未婚妻放工回到家,看到那電競椅後便馬上黑面,事主就打算打圓場,說笑道:「Maserati超跑就買唔起,但總算買到佢張椅!」但未婚妻並不受落,更用鑰匙掉向事主,逼他將電競椅退回:「話唔襯佢間屋,問我做呢件事之前有冇諗過佢唔鍾意,有無尊重過佢。」不過事主認為,未婚妻在裝修時亦無詢問他是否喜歡「日系診所」風格,表示「我都只係買一件,係一件自己心水傢俬,所以當下我堅持唔跪。」
結果在翌日,事主剛起牀便看到心愛的電競椅被割爛,未婚妻更在旁冷言冷語:「而家解決咗啦,你攞落去丟,下次唔好嘥錢亂買嘢。」事主表示,當下好像突然看清楚自己的未婚妻,終決定搬回自己的家。
他在幾天後收到未婚妻父母的來電,說服他不要意氣用事:「話我幾廿歲人仲為咗打機、電競椅呢啲搞到老婆唔開心,以後結婚日子點會好過。」但事主已決定提出退婚,更拿出電競椅的收據要求賠償,未婚妻的爸爸即時破口大罵:「而家全世界都知你哋結婚,為咁少事就話退婚,仲要賠張爛鬼椅?我個女肯嫁俾你,你執到啦,死廢青!」事主不想與他計較,更表明會找律師聯絡對方,並堅持電競椅的賠償會在賣完樓後扣回。
事主指,事發後未婚妻多次想讓他回心轉意,但他早已死心,打算與未婚妻和平分手:「點知佢就癲咗,日日100個miss call同千字文嚟鬧我,仲威脅我話唔同佢結婚,就起我底去Facebook群組同討論區度,我唯有Cap低晒留俾律師處理。」現時,事主正忙於賣樓、退酒席、婚紗攝影等服務:「雖然多瑣碎嘢煩,但我覺得係同佢拍拖六年嚟最輕鬆嘅日子。我都下載番交友App,諗住同多啲人認識吓,希望搵到個識得尊重人嘅好女仔。」
不少網民都認同事主的做法,表示結婚並不應兒嬉,如果發現對方真的不適合自己,應該要及早分開:
來源:「巴打絲打「00九吹專區」Facebook Club」
更多文章: