壓力|「可能要見你嘅人係我…」小暖男和需要輔導的媽媽|教育心理學家心小姐
2022-06-01

Scott的媽媽進入房間後,整整五分鐘都愁眉深鎖。她說就讀小五的Scott在人前人後均是個乖孩子,但她分不清他究竟是「真乖」,還是「扮乖」。她總覺得Scott有很多心事,卻不願與父母分享。
此外,媽媽認為Scott沉迷玩iPad。她好幾次撞見他上網課時玩電腦,懷疑他一整天在偷玩,於是沒收了iPad。媽媽想我了解Scott的情緒狀況,同時處理他打機成癮的問題。
[打機成癮?]
眼前的Scott果然是溫文爾雅,亦願意敞開心扉與我傾談。他猜到媽媽帶他見心理學家是因為iPad問題。
Scott坦白表示一天有幾次會忍不住在轉堂時玩iPad,但每次只敢偷玩一個回合(5分鐘)便會自行結束。下課後,他會先做完功課才打機,一天加起來玩1小時左右。
我問Scott對於iPad被沒收的想法。他看似真心的說:「我覺得我都抵罰嘅。」 。
我心想:「咁Scott都唔算過份… 佢係唔係扮乖呢?」。在輔導時,我會盡量持平,對學生和父母的話抱相同的信任。
[小暖男]
聊到家庭時,Scott說父母均關心他。最近雙親因疫情在家工作,Scott親眼看到他們的工作壓力很大,他提到媽媽的上司對她的態度特別差。
我問Scott:「你有無嘗試關心吓媽媽呀? 」
他想了想 ,說:「有啊。我知佢日頭用我間房返工,所以我喺張書枱上面留左啲字條鼓勵佢 。」
他窩心的答案讓我會心微笑。 我有點好奇:「咁你寫左咗啲咩俾媽媽?」
Scott:「我叫佢唔好咁負面。」
我:「媽媽平時對事物嘅諗法比較負面?」
Scott彷彿帶點失望地點了點頭 …
[諗太多]
我開門見山的問:「爸爸媽媽留意到你好似有啲心事,其實係唔係㗎?」
Scott坦然又老成地感嘆:「佢地諗太多啦!」
我:「可唔可以俾個例子我?」
Scott思考片刻后說:「有一日朝早我啱啱瞓醒,呆坐喺梳化度。跟住阿媽就係咁問我係咪有心事,其實嗰時我真係未瞓醒咋!」…
[心事]
我問:「如果你有困難或者心事,你會唔會同爸爸媽媽講?」
Scott不用想便斷然拒絕:「唔會。」
我:「點解啊?」
Scott:「我覺得心事係私隱。而且呢啲嘢唔關爸爸媽媽事,我唔想再加重佢哋嘅負擔。」
隨後我問Scott會和誰分擔他的壓力。他說他的壓力不算大,自己處理到,不用其他人幫忙…
這位小暖男懂事的表現讓我既感動又有點心疼。Scott現時的壓力仍處於正常的程度,但這樣的思維及局面持續的話,有機會會影響他往後的發展和精神健康。
[一齊進步]
在得到Scott的同意下,我向媽媽分享我們對話的重點。原來Scott説的都是真話,玩iPad的程度說不上成癮。當説到他不想加重父母負擔時,我看到媽媽眼框紅了,我的眼睛也跟著濕潤。
媽媽嘆了口氣,緩緩的講了一句:「可能要見你嘅人係我…」。
我心裡也明白媽媽面對的壓力及負面思維是這個案的關鍵。
我鼓勵媽媽:「每個人都有可以改善嘅空間。我哋想仔女進步嘅話,好多時需要成個家庭,連同父母一齊進步。你想唔想嘗試一齊改變?」
媽媽堅定的點了點頭。
希望我能協助將小暖男的家庭變得更溫暖吧!
作者:教育心理學家心小姐
Facebook: 心小姐
其他文章: