【小小豬】清熱袪濕准山赤小豆扁豆湯
2018-07-24
老公成日都話夏天熱辣辣唔洗煲咁多湯，但其實夏天都一樣係要飲多啲湯水，所以今日我就煲左准山赤小豆扁豆湯，等佢兩父子清熱袪濕啦！
其實依家啲天氣又濕又熱，都總係會令人頭脹脹身腫腫咁，成日都攰攰冇精神，所以就煲多啲袪濕湯，好好調理下自己身體。
赤小豆同扁豆可以話係夏天多數煲嘅湯，因為扁豆可以健脾和中，消暑化濕。赤小豆就利水除濕，和血排膿，消腫解毒。
原本我打算係買老黃瓜煲，不過行晒整個街市都唔見有大大粒嘅黃瓜，所以最後有朋友就教我用生熟薏米、北芪及准山一齊煲，除左可以清熱袪濕之外，仲可以健睥胃、強肺同預防感冒。
見咁簡單就當然買齊材料返屋企煲，豬肉眼$35、果皮1小角、無花果4-5粒、生熟薏米、北芪、准山、赤小豆及扁豆，藥材份量方面你同藥材店職員講大約幾多人飲用，佢就會幫你執份量啦~ 
豬肉洗乾淨，氽水準用；果皮浸透去囊；其他藥材浸洗一陣備用~ 