DSE | 竹篙灣應考DSE「救命」指南 睇片學執走佬袋 記低兩個號碼
2022-04-20
中學文憑試本周五就開考了！今年遇上Omicron肆虐，考生應考再多幾重難關，倘不幸在應考期間發現快測呈陽性，或成為密切接觸者，但又想繼續應考，就須前往竹篙灣了。可以想像，喺呢個時候，考生一定好徬徨，千頭萬緒，唔知點算好。為了讓同學們安心考好個試，星島頭條網特別為考生們製備《竹篙灣應考須知》，跟住呢份「救命」指南，就可以如履平地咁步入考場，大步檻過一切難關！
這份長約四分半鐘的《應考須知》短片，以《百萬富翁》問答遊戲的橋段，深入淺出的介紹考生需要準備的各類物資，趣味性十足。
短片中除了列出兩大救命電話，包括考評局公開考試資訊中心及預約抗疫的士電話號碼，還教埋考生預約的士申報須知、入住竹篙灣流程，連考場內有攝影機監察，都提埋考生，真係夠晒體貼。
條短片仲教大家「執行李」，除了考試物資，例如准考證、身分證、文具、計數機、收音機及特定科目用具（如畫具），亦要準備溫習筆記、精讀參考書、歷屆試題及模擬試卷，以便在隔離期間亦可溫習未來應考的科目。為了應付十四天隔離生活，記住帶備足夠的個人物品如衣物、日用品及手提電腦等等。藥物、口罩、快速檢測包及個人衞生用品也要準備好作抗疫之用。
最後，唔好話無提各位考生，記住放點乾糧零食落篋，千祈唔好餓親呀！
星島日報授權轉載
其他閱讀：
