疫下網課｜網課不易 工作量比平時多 老師列5點望家長體諒

受疫情影響，今年學生上學的時間可謂少之又少，大部分時間都留在家中上網課，有唔少家長指上網課實在是太累了，又要照顧孩子，又要為孩子準備所需的物品，休息時間也沒有。但其實老師上網課也不容易，有老師在網上出post，申訴「其實老師都唔想 zoom， 唔想提早放假㗎。 用 zoom 教書，老師做多好～多～嘢。家長係喺背後睇唔到！」

該名老師在Facebook專頁《家長Secrets》投稿，事主停課期間上Zoom，不要以為老師很輕鬆，其實他們都要回學校當值、備課、做課室清潔、「學校開放，老師就要當值。」，工作亦比以往多，事主在文中列舉了解5點困難，希望家長在特別時期，多體諒老師，「幫幫忙，唔好下下投訴呀？」

^事主希望家長可以體諒老師的困難

第一點，最簡單的派功課，以前老師只需要派一次，但現在老師要把所有功課執好，一班如有30人，老師就要執30份，再等家長回學校拿。事主指明白家長怕外出危險有菌，但其實老師一樣怕。有些學校可能為減少接觸，會安排學生在網上交功課，只是家長嫌麻煩，會指「屋企冇 printer，小朋友唔識 scan，做唔到」，下課後老師打電話去追功課，家長又會怪番老師轉頭。

第二點，除了平時Zoom，老師還要打電話去關心學生在家中的情況，「呢啲陽光電話係要全班打。有時一講就十幾廿分鐘」，事主建議家長可以好好利用電郵，平時有咩意見都可以提出，不用等老師打電話才說，亦希望家長可以多聆聽老師的意見，「當老師講你小朋友有咩不足，可以再點進步嗰陣，請留心聽，唔好下下都覺得老師針對你個小朋友，下下都起晒『鋼』。」

其他文章：怪獸家長｜被質疑4小時無法溫完常識上下冊 補習老師用5句話反擊無知家長

第三點，老師備課時間長，難在家工作，上網課要用到投影片，老師要花時間整，做資料搜集，又要整動畫，又要改功課，分分鐘要工作到凌晨，第二天又要教書。假如要在家工作，「要拎晒所有教學物料返屋企，所有教師用書，學生用書，白板，工作紙，教案，要開會文件」，在家要找個寧靜環境拍片真的不易，所以很多老師都寧願返學校。

第四點，事主表示希望上網課期間，家長可以多配合，尊重課堂、尊重老師，尊重學生，「明知小朋友要上堂就電視細聲啲啦。喺後面大聲講嘢又有，爸爸唔著衫行過又有，上上吓堂，無啦啦走嚟攬住個小朋友錫一啖又有！」

第五點，不要動不動就投訴，學生上Zoom期間不合作，「整怪聲，用 zoom 枝筆畫花老師個 share screen，或是做危險動作 （塞枝筆入鼻孔）」，老師開聲話孩子，家長又會不高興，「你自己喺屋企坐喺旁邊睇住佢上堂，你都管佢唔到，老師隔住個螢光幕叫佢個名，你又唔鍾意。究竟你想老師點做好呢？」

事主指上 zoom 時間緊迫，老師要教同平時一樣多的書，學校照樣有評估，學習記錄，他希望「煩請家長多多體諒，多多配合，好嗎？」。

來源：家長Secrets

其他文章：怪獸家長 ｜孩子生日帶糖果餅乾回校分享 家長控訴：每次都趁孩子不注意將其丟掉