小一派位|小一「自行分配派位」落空後的部署|趙榮德

2021-11-29


自行分配學位已於11月22日公布結果,亦於11月24至25日辦理註冊手續,統一派位於翌年一月下旬才開始辦理選校手續,究竟在這空檔時間,做甚麼好?以下為一位「自行分配學位」落空的家長和我的對話:

趙為本人 家為家長

家:趙sir,想知道「自行分配」派位落空,搵人寫介紹信有冇用?

趙:而家11月寫冇用,六月統一派位寫才有用。

家:點解?

趙:因為而家小學校長手上冇學位,11月先至有。

家:唔明。

趙:試過有一次,有朋友走來叫「救命」,佢話佢請心儀小學嘅校監寫信交俾校長,「自行分配」放榜竟然失敗,我幫佢深入調查,發覺佢整個小一派位過程,校長完全置身局外,直至六月「統一派位」放榜後,教育局先至將剩餘的學位交回校長,俾佢用「叩門」方式收生。所以你而家就算寫信俾校監、校董,佢哋都「無計」,至到六月,佢哋有學位在手先至「應酬」你,明白未?

家:明白,即是信而家交冇用,要六月「統一派位」放榜後先至有用!咁而家去心儀嘅小學「叩門」有冇用?

趙:冇用。頭先我都強調過而家校長手上冇學位,你見佢係費時失事。

家:咁可否出去報讀直資私小?

趙:當然可以,不過報讀直資私小要交學費,此其一,直資私小未必好過官津小學,例如直資有小拔、小女拔,官津有喇小、瑪利諾、聖瑪利等,此其二,而且直資收咗你個仔女,便不能再報官津小學,此其三;況且名直資唔容易入,除非你一早有報讀直資嘅心意,否則,因為失望、空虛而報直資來填補這空虛不太「健康」!

家:明白。但我個仔有25分入唔到名小學,我好焦慮、好心急,目前有乜可以做?

趙:我試過有家長好似你咁,放榜後第二日打電話向我求救,話25分,係天主教徒及舊生,竟然入唔到,我叫佢六月去叩門,舊生25分有八、九成機會,但家長不肯收線,堅持要我教佢一個方法,我唯有叫佢「祈禱」,如果全家是天主教徒,便全家一齊祈禱,佢聽到問我這個是否是最後一招,我話係,佢多謝我便收線。

家:結果點樣?

趙:結果翌日家長話一早收到學校電話,話有一個學位剩,問佢要唔要,佢立即叫太太同個仔飛車到學校註冊,原來有個學生移民,所以俾佢「執」到學位。不過,我要聲明,唔係個個都咁夠運,但祈禱,在無辦法下,都算係一個辦法。

家:明白,除了祈禱,仲有冇其他辦法?

趙:有,係搬屋,做「孟母」,不過呢個辦法遲啲才傾,因為距離一月仲有成個月時間。

家:好,遲些再請教趙sir,多謝趙sir咁生動嘅介紹!

趙:希望幫到你!

作者:趙榮德

其他文章:

小一入學︱家長對小一自行分配產生的三大「誤會」|趙榮德 

幼稚園面試|疫情期間幼稚園面試 醒目家長如何「執生」|趙榮德
 

熱門文章

科大錄取11名 精英運動員 人數屬歷屆之冠 每人每年最高可獲逾10萬獎學金
04-25
中學統一派位2025|校長拆解升中統一派位填表9大誤區 Band1/2/3選校策略相同?
04-25
聖公會油塘基顯小學 |辦「英語餐廳店長體驗」廚房助理/接待員/收銀員一腳踢 招待家人學習同理及服務
04-24
BB連人帶車被丟 啟德 便利店外 驚揭外傭湊B疑嚴重疏忽照顧
04-24
在職家庭津貼 計劃2025|調整5人家庭職津入息限額 一文睇申請方法、津貼額
04-13

常識測考必備|2024年12月至2025年2月時事回顧 + 免費工作紙
2025-03-04
小一 入學 |從個案與家長分析兩個選小學的策略|趙榮德
2024-09-21
2025/26小一入學 | 大角嘴天主教小學 小一入學簡介會
2024-09-05
2025小一簡介會|4至5月熱門直資私立小學簡介會/開放日 留意報名日期 額滿即止
2025-04-07
升小面試|直資私小面試「 遊戲 」部分的秘密|趙榮德
2025-03-25
小學插班 ︳港九6間受歡迎直資私立小學 招收25/26年插班生
2025-03-21
查看更多   ▸