哲哲貓話要同媽媽結婚!童心童話幼兒婚姻敏感期│金牛急躁媽

2021-10-08


最近哲哲貓的舅父要結婚了,急躁媽趁機跟哲哲貓,童心童言童話婚姻教育,真的很有趣!

媽:「哲哲貓,你舅父要結婚呀,我哋要去睇佢同姨姨簽紙。」  

哲:「咩叫結婚呀?」  

媽:「結婚即係同一個你好鍾意好鍾意嘅人以後都一齊生活,無論發生咗咩事都同佢一齊面對。結婚嗰陣要喺張結婚證書上面簽名,好似媽媽爸爸同你簽手冊咁,簽完名之後,你同嗰個人就係屋企人。」  

哲:「媽媽你幾時結婚呀?」  

媽:「媽媽結咗婚啦,爸爸同媽媽決定以後都係埋一齊,就簽名結婚,之後生咗你囉。」  

哲:「唔制!我要同媽媽結婚!」(嘩!聽到呢句媽媽心都甜埋)  

媽:「唔得㗎,我已經同爸爸結咗婚,唔可以再結啦。」  

哲:「咁我幾時結婚呀?」  

媽:「你第日大個搵到一個你好鍾意好鍾意嘅人就結婚。係喎,舅父同姨姨簽完紙,結咗婚之後,你就要叫姨姨要做舅母啦。」  

哲:「點解嘅?」  

媽:「因為結咗婚之後就係屋企人,叫法就會唔同,表示是我哋係一家人嘅關係。結婚嗰日我哋要著紅色衫,著返你中秋節嗰件套好唔好?」 

哲:「點解要著紅色呀?」  

媽:「紅色係喜慶,即有開心事嘅顏色,所以我哋會著紅色。到時爸爸媽媽公公婆婆都會著紅色、粉紅色、棗紅色,呢類紅色色系嘅衫,配合舅父結婚呢個好開心喜慶嘅場合。」  

公公:「哲哲貓,你咁鍾意食冬菇,不如你第時同冬菇結婚啦!咁咪日日有冬菇食囉!」  

哲:「我唔會同冬菇結婚架!」

公公:「日日有冬菇食唔好咩?」  

哲:「我唔同冬菇結婚,我同媽媽結婚!」(媽媽繼續心心眼)

小朋友到了4至5歲就進入婚姻敏感期,有時候會說要跟爸爸或媽媽結婚,有時候會跟不同的異性同學出雙入對說要結婚。爸媽可趁機講解婚姻關係就是兩人相親相愛,雙方決定廝守一生等,為幼兒奠定結婚的概念。如果小朋友出現「被失戀」的情況,爸媽可教導他們「選擇的權利」。切忌抹殺幼兒對結婚的好奇心,甚至批評他們每天轉換「伴侶」等行為,以免他們對婚姻有不良的印象

各位爸媽記得緊貼金牛急躁媽的文章和到【哲哲貓的貓貓世界】交流育兒心得啊!

作者:金牛急躁媽

更多文章:

幼兒學習│熱門點讀筆大比拼:小達人VS小book點!│金牛急躁媽

幼兒學習│購買點讀筆和發聲書前必睇4點│金牛急躁媽

熱門文章

親子教養|孩子被寵壞 的5大特徵?親子專家教你見招拆招!
03-18
【拜年如何叫親戚?】認住關係圖
02-01
從心理學角度分析為何孩子愛挑戰家長底線|何基佑
03-20
沙田 小童 衣衫單薄赤腳被母拖住走 目擊者:當時11度體感得8度 小童母現身解釋苦衷掀爭議
04-01
66歲高齡婦人自然懷孕誕子 成為10寶媽 大女與細仔相差46年
04-03

蒙特梭利 | 讓真正的蒙氏教育走進家庭 開闢育兒新里程
2024-04-08
世上永恆不變的愛|梁紀昌
2025-04-03
外國媽媽精心設計25條問題 讓爸媽了解孩子在校情況
2025-04-02
媽媽陪着孩子走過 做功課 的壞心情:我們都很努力了|我們不只是老師
2025-04-02
懲罰隱藏的風險|Connie Walk
2025-04-01
家有體弱兒是怎樣的體驗?|孝瑜療日常
2025-03-31
查看更多   ▸