中秋節｜中秋節親子環保花燈DIY │Man Man Diary
2021-09-10
中秋節 DIY｜細佬Roy同家姐Elly同一間幼稚園，所以今年 中秋節 親子環保花燈我要設計2份⋯⋯ 媽咪我雖然手工唔叻，不過勝在鍾意搞搞新意思，亦都希望小朋友大個可以睇番媽咪同佢一齊做過乜。
幼稚園主題係環保，由於係親子功課，所以我都有同佢哋商量下，攞d idea。由於之前暑假去過海洋公園，所以就商量出大家喜歡嘅海洋生物係水母同海龜。想到佢哋，我就諗起我哋成日行經過碼頭，Elly都會問我點解海會甘污糟有垃圾。今次真係一個好機會可以教育佢地要拯救海洋。
我哋主要用paper mache方式去整兩隻海洋出物嘅主要身體部份。呢個方法係用廢紙做材料，加上白膠做出立體堅硬嘅物品。Paper mache 我哋之前都做過好多次，所以兩位小朋友都好識點幫手。
待乾了後，就把汽球拿走，然後上色。上顏色部份我都由佢哋強揮，細佬2歲我補左筆，家姐3歲半係可以油得好均勻。
顏色乾了之後就開始裝飾。水母較易，只係叫細佬幫手執d垃圾然後我卷埋一齊用熱溶膠痴實佢。由於想貼合中秋，所以剪了宣傳單張嘅月餅當裝飾。最後加上口罩，帶出「save the ocean」嘅訊息。
Elly個海龜較有心思，因為我自己很喜歡海龜。海龜殻部份上的裝飾都係Elly操刀，0技巧。 然後海龜肚裏面嘅垃圾都係我同Elly商量之後決定。因為Elly好鍾意扮醫生，所以我加了一個餵藥滴筒（以前from健康院)俾佢醫海龜。然後尾巴痴上電子蠟燭，增加中秋氣氛。
整完之後，覺得有冇獎都其次，因為下次會做得更好。希望大家喜歡我們的分享。
Facebook page: http://www.facebook.com/manmandiary
Instagram: http://www.instagram.com/diarymanman
Youtube: https://www.youtube.com/channel/UC41knE24FBbYS9p997tAmuQ
Blog: http://www.manmandiary.com
Email: [email protected]
其他文章：