【二寶媽媽】同性別孩子，與不同性別孩子的好處│和牛B的成長日記
2020-12-17
陀妹妹嘅時候，懷孕初期反應極大。
仲以為係因為陀住男嬰，荷爾蒙唔同所以引致好多不適。
最初我還會期待，生個小男孩都好~
因為，我都好想試下陀男同陀女嘅分別。
陀住妹妹，妹妹嘅胎動、踢嘅力度亦比和牛B強得多!!
照超聲波知道係BB女，都覺得唔太相信!!
妹妹超活躍、每次嘅胎動都令我有點吃力…
妹妹力氣超大，肚皮有種被踢破嘅感覺!!
不過，生男生女都好。
都係自己同老公嘅愛情結晶品，一樣咁愛錫佢。
生兩個女孩
-同一性別，長大後唔需要擔心，屋企空間唔夠要分房問題。
(當然，有空間的話一人一間房就最開心啦)
– 兩個女仔感情可以好好，又可以一齊扮靚 (三母女一齊扮靚)
– 女孩相對教養上，體力勞動冇男孩咁大
– 爸爸最窩心，因為有兩個前世情人
– 媽媽最開心，因為有一個活生生嘅洋娃娃 (使錢超頻密)
– 姐姐穿過嘅衣物，可以轉贈俾妹妹~ 唔需要重新再買
– 玩具都可以一齊玩~重點買女孩鍾意嘅玩具就可以了
– 長大以後嫁人都會多兩個仔
^ 兩姊妹可以一齊扮公主 (Elsa & Anna)
^ 爸爸抱住兩個前世情人
生兩個不同性別的孩子 (哥哥妹妹/ 姐姐弟弟)
– 不同性別，長大後要煩惱分房問題 (如果冇空間同房都冇辦法)
– 男、女教法完全不一樣
– 衣物都要重新再買過
– 玩具都需要買男孩、女孩玩具
– 哥哥會當妹妹係玩具
– 姐姐玩玩具時，會將弟弟拒之門外
我嘅第一胎係女 (和牛B)，生咗妹妹之後。
和牛B係我嘅小助手，坐月期間和牛B都好乖會幫忙照顧妹妹。
我想不到一個5歲大嘅小朋友，可以如此懂事，當媽嘅我真係好安慰、好感恩。
作為父母，都期望兩個小朋友，不論是否同性別都希望佢哋一直相親相愛。
生男生女都好，係自己生嘅都會一樣咁愛錫佢哋。
**以上文章純粹個人感受，並無針對成分。
作者：和牛b的成長日記