【過敏性結膜炎】Ooey ooey ooey allergies│江志榮博士

2020-09-09


其實過敏性結膜炎(Allergic Conjunctivitis)好常見, 顧名思義,係眼睛最外層嘅結膜因為受致敏原(allergen)刺激引致嘅發炎反應,其實係免疫系統嘅警示, 話俾你聽有一啲外來物刺激眼睛, 你要留意一下。

過敏性結膜炎嘅症狀包括: 眼皮和結膜水腫、結膜充血發紅、流眼水、出現透明黏稠的分泌物,一般會在兩眼同時出現,因為過敏反應通常係一個身體系統性(Systemic)嘅狀況,當然如果個致敏原係直接局部影響一隻眼睛,過敏反應就有可能只會喺一隻眼睛發生,例如剛剛過去嘅星期六,有一位小朋友單眼紅晒咁來找我, 期間因為非常痕癢, 不停咁捽眼睛, 我用生理顯微鏡一看, 發覺竟然有一條棉線在他的眼睛表面(見圖), 見到都覺得痕, 快快手幫佢將棉線取出, 接著用無菌嘅生理鹽水幫佢沖沖眼睛, 情況就好多了。

引起過敏性結膜炎嘅最大原因就是致敏原, 包括: 灰塵、空氣濕度溫度的轉變、塵蟎、動物毛髮、香皂、香水、化妝品、藥物等等, 小朋友成日周圍摸跟住又觸碰眼睛就最容易出事。但不同人會對不同喺物品有過敏反應, 如果本身是過敏體質, 有其他嘅過敏病症例如過敏性鼻炎、哮喘、過敏性皮炎等, 發生過敏性結膜炎嘅機會也會比較多。
有一個重要嘅口訣可以幫你初步判別紅眼狀況是過敏性結膜炎還是眼睛受感染: 好痕癢嘅紅眼, 九成係過敏; 不太痕癢嘅紅眼, 就九成唔係過敏。

如果係輕微嘅過敏性結膜炎, 只要除去致敏原, 或者到藥房找藥劑師處方一啲抗組織胺類別(Antihistamine)嘅眼藥水畀你, 一般就可以藥到病除, 舒緩症狀。當然如果你唔肯定嘅, 就最好搵視光師或者眼科醫生幫你睇睇, 對症下藥啦!

過敏性結膜炎一般不會影響視力, 所以爸媽不用太擔心。預防方法, 首先當然係要遠離致敏原, 摒棄捽眼睛嘅壞習慣, 另外毛巾臉盆一定要衛生清潔, 如果孩子係先天嘅過敏體質: 爸媽也可以考慮在家居室內環境安裝高效嘅空氣清新機和可以穩定調控溫度和濕度嘅裝置。

資料來源:

https://eyewiki.aao.org/Allergic_conjunctivitis

作者:江志榮博士 

註册視光師 (第一部分)

相關文章:

【眼睛健康】感覺到眼睛攰又不停流眼水︳江志榮博士

【江志榮博士】停課不停學, 點樣好好保養眼睛?

熱門文章

產後脫髮 點解決?1招助妳重拾魅力 成為髮量大富翁
04-01
小朋友 陰虛 有6大特徵!中醫教5招助幫助調理 | 附「養陰水」食譜
03-20
兒童性早熟| 8歲過胖女童來初經 驚覺 性早熟 阻礙身高發展 醫生警告:這類飲食恐讓孩子提早發育!
03-26
沙田 小童 衣衫單薄赤腳被母拖住走 目擊者:當時11度體感得8度 小童母現身解釋苦衷掀爭議
04-01
66歲高齡婦人自然懷孕誕子 成為10寶媽 大女與細仔相差46年
04-03

沒加糖等於含糖量為零?營養師教你認清5大隱藏版 含糖食物 !
2025-04-03
家長依賴AI自行診療致延誤就醫 3歲女童咳嗽一個月慘變 肺炎
2025-04-03
學生用電子屏幕時間長 8成中學生日花逾2小時打機或上網 衞生署倡限6至12歲兒童每日打機時間
2025-04-02
小朋友半夜咳嗽怎麼辦?中醫解析 夜咳 成因、種類和3大調理方法 | 中醫爸B
2025-04-02
花萬元按摩醫 近視 ?家長誤信偏方 9歲女童近視度數暴漲100度
2025-04-02
體重 正常不等於健康!「瘦胖子」心血管死亡風險竟比肥胖者高52%
2025-04-01
查看更多   ▸