【喬喬妹妹養育記0M】疑似高位穿水！威院生仔記│Kylife
2020-08-16
我由今胎32週開始就經常出現肚實宮縮，35週尾有M痛感，時間由兩日一次，去到一日三四次，依樣係我第一胎無遇過，所以我估應該好接近生bb啦！假陣痛係36週出現，不過當時未有決定性穿水同見紅，所以我都無入醫院。
不過係37週2明顯我稍稍一出力就feel到下面有少量水湧出，因為擔心唔知係咪高位穿水，所以我都入咗醫院檢查。
低位穿水指短時間內有大量胎水流出，所以一穿水大家肯定知要入院準備啦！如果係高位穿水情況就會好唔同，我既情況係忽然有一陣水滲出嚟，量唔多，亦唔係持續發生，但感覺明顯唔係正常出現，所以我先決定入院做檢查。
入醫院時大家記得要帶返由醫院開出既入院紙，先生身份證同健康院記錄。係姑娘問完資料，登記同檢查宮頸後，我仲係咩度數都無開過，之後姑娘度到喬喬妹妹心跳有139，見到佢心跳正常我都安心啲。
之後就搏機mon住bb心跳同睇住bb有無胎動，不過當時係夜晚11點.. 所以我一路mon住一路想訓，最後睇咗20分鐘就上床抖抖；不過醫生又嚟啦，今次要做羊水穿破測試。
其實你問我生仔其中一樣辛苦位肯定係check宮頸，因為好難放鬆，但唔放鬆肯定會愈唔舒服！宜家做完第一次檢查下身唔郁得，要等第二朝再做，個人唔坐得劑訓都好攰。
加上成晚唔少孕媽咪出入，我訓得四個鐘到，不過聽到有位孕媽咪入院3個鐘已經開咗6度真係好好呀！
第二朝醫生再檢查發現真係穿咗水，所以要催生啦，如果催生唔到就要開刀食全餐，不過我由尋日疑似穿水到宜家仲係零度，所以我都好驚慌呀！
估唔到今次真係要生喬喬妹妹啦，其實我之前一直都係估估下，以為未必真係要生b！下回繼續分享我時隔3年我既生囡經歷！！
懷孕中看到皓皓成長，令我更期待二胎BB的加入！
每週小煮意食譜、二寶日常點滴、親子好去處、大家記得要follow呀！
喜歡玩IG的朋友記得Follow：kylife.babies
面書專頁：Kylife與二寶之日常
作者：Kylife