【 安妮親子日記】 Aidan 幼稚園面試心得

其實Aidan 的PN全日班讀得好好，學校的老師和姐姐都非常有愛心和耐性，佢好鍾意返學，而且仲培養到好好的作息時間，所以都諗過在原校升讀。
當初選擇這間學校係因為考慮到小朋友仲細，想揀一間近屋企的。

但考慮到正式讀幼稚園後就會參加興趣班，所以想轉一間半日制的幼稚園，方便下午可以去上興趣班，做功課和有玩樂的時間。

分享一下Aidan的幼稚園面試，我哋因為吸取朋友的經歷，怕面試日子會撞期，所以幫仔仔申請了10間，最後真係有好幾間都撞日子，但好彩時間有不同，我哋最後都成功見晒10間學校。

仔仔每間面試的表現都唔錯，佢好享受面試的過程，喜歡聽指令。

安妮媽媽集合咗小小面試心得想同大家分享:
***面試內容
通常一入到課室，老師就會問:
1. 你叫咩名呀？
2. 今年幾歲？
3. 你係男仔定女仔?
4. 今日邊個陪你嚟？
5. 搭咩車嚟？

之後老師會考小朋友
（各間學校都會不同，有d考兩條就ok，有些學校會考好多條問題。）
1. 叫小朋友指出眼耳口鼻的位置
2. 問顏色的圖卡
3. 跟老師的題問，指出枱上面或圖卡上的物品
4. 拼圖
5. 疊杯仔
6. 情景問題，例如：小朋友係公園玩完好口渴，佢而家需要甚麼？要小朋友係枱上揾正確的答案。

總結:
1. 父母要保持笑容和禮貌。
2. 如果小朋友唔識答就由佢，不要從旁提醒或幫手答。
3. 小朋友要自己收拾老師俾佢哋玩的玩具，臨走前要推番好張櫈。

*當日衣著
我認為不要太浮誇，小朋友著整齊乾淨舒服的衣服就夠，不要喺面試當天才穿新衣，如果新衣會令小朋友唔舒服就會影響情緒。
父母家長可以著整潔的服裝，但不要穿著短褲涼鞋。

*幼稚園撞期或時間
如果面試撞日子，就要考慮下時間，因為面試時間通常都要預1-1.5小時。
如果兩間學校的地點接近，都可以考慮去埋，但如果時間太趕就唔太建議喇，因為小朋友都會好辛苦，也會影響表現。

*預早時間到學校
在面試當日提早小小到學校，俾小朋友熟悉下環境和放鬆心情先面試

*面試的陪同人選
父母兩個一齊出席就最好，但有些學校規定只可以一位家長陪同，所以要認真考慮人選。

**以上只是安妮媽媽經歷過的簡單分享，並不代表是全部學校的準則呀！

Aidan最後都有好幾間心儀的幼稚園收咗，都順利揀好註冊了，希望大家都順順利利啦！

————————————————-

歡迎連絡安妮媽媽：

Facebook專頁： 安妮媽媽親子日記

IG: @Annie_mama_diary | 安妮媽媽親子日記

作者﹕安妮媽媽親子日記

其他文章﹕

【安妮媽媽親子日記】幼童畫畫畫