6歲就有睡眠窒息症?小朋友考試差咗都關鼻敏感事

2020-04-07


啱啱家長日,老師話六歲嘅俊仔近排上堂成日魂遊太虛,專注力差咗好多,詢問之下,俊仔一味話好攰、好眼瞓,老師都無晒符。

俊仔媽咪覺得好奇怪,明明阿仔瞓足九個鐘,點解仲咁攰呢?接住幾晚,佢特登留意俊仔瞓覺情況,發現年紀小小嘅佢,竟然晚晚扯鼻鼾。

俊仔媽咪於是帶佢去睇醫生,經過詳細檢查後,醫生診斷俊仔患上睡眠窒息症,而睡眠窒息症嘅源頭,竟然係鼻敏感。

鼻敏感或引致睡眠窒息症

鼻敏感同睡眠窒息症有咩關係呢?兒童呼吸科專科吳國強醫生解釋:「研究證實,鼻敏感會增加患睡眠窒息症嘅機會。當小朋友鼻塞時,佢哋會改用口呼吸,隨住嘴巴打開,下顎會向後,令舌頭下跌,阻塞上呼吸道,引致睡眠窒息。小朋友瞓得差,就可能出現專注力、行為同認知能力下降嘅問題。」

吳醫生補充,小朋友長期用口呼吸,有機會令下顎發育不良,睡眠窒息症就可能延續至成年,長遠增加患高血壓、二型糖尿病等疾病嘅風險。情況嚴重嘅患者可能要使用呼吸機,或接受顎骨矯型手術去處理睡眠窒息症。

《寶寶鼻敏感日記》有助及早發現問題

好似俊仔嘅個案,家長未必為意小朋友嘅鼻敏感已經非常嚴重,等到出現其他問題影響學習時先睇醫生。吳醫生建議,家長可以為小朋友填寫《鼻敏感日記》,記錄佢哋有無出現相關徵狀,例如鼻塞、鼻痕、流鼻水、打乞嚏等,或捽鼻、捽眼、打鼻鼾、用口唞氣等小動作。如果徵狀頻密已經影響患者嘅日常生活,就應該盡快求醫。

此專欄由葛蘭素史克安排。資料由醫生提供作教育用途,應向註冊醫生查詢有關詳情。
NP-HK-FLF-ADVR-190002 (03/2022)
Date or preparation: 01/04/2020

熱門文章

脂肪肝飲食 | 40歲男半年甩重度 脂肪肝 ! 醫生教每日吃「2類食物」 毋須運動亦可逆轉病情
04-08
飲食健康|三餐都用1種油煮餸 10歲童患 高血壓 全家3人相繼中風
04-09
兒童化痰 |日咳夜咳幾星期呼吸道積滿痰液 中醫教3招排痰方法|中醫爸B
06-02
疑提供嬰兒性別選擇及代母服務 每次收60萬元 警拘董事夫婦共10人
04-27
溫哥華 私家車突撞向慶典人群 消息指現場7死20傷
04-27

港大醫學院開發全球首個 甲狀腺癌 診斷AI模型 準確率超九成 診前準備時間減半
2025-04-24
總是想吃甜品、薯片要小心!可能是 身體 在發出「過勞警訊」 醫生分析渴望4種食物的隱藏需求
2025-04-24
生活健康 | 車內「這物品」甲醛濃度超標!半年內83名車主罹 血癌 專家急籲:夏季高溫小心更毒
2025-04-24
腸病毒 | 手足口病 高峰期將至 預防要知6件事
2025-04-15
胃癌 難測 港大研類器官生物庫技術模擬癌變進程 未來有助篩查高危者
2025-04-14
肚痛 | 肚皮畫成九宮格 初步判斷問題根源
2025-04-14
查看更多   ▸