【趙榮德】做好四件事，令孩子從幼稚園順利銜接上小學

暑假過了三分一，有家長開始追問我「從幼稚園怎樣銜接上小一這個題目：「是否讓孩子獨立，全部自己來決定？」「千祈唔好咁做，因為從幼稚園升上小一是個典範轉移(paradigm shift)」以下為本人和家長詳談這個「典範轉移」的內容，想子女平安從幼稚園過渡到小一的家長不容錯過：

趙為本人     家為家長

家：趙sir，何為「典範轉移」？

趙：典範轉移為「方法與觀念的基本改變」。

家：從幼稚園到小學有何基本上的改變？

趙：觀念上，幼稚園是homeroom teacher制，即是班主任教所有科目，而小學是class teacher制，即是不同老師教不同科目，既然觀念不同，照顧方式也有異，homeroom teacher制的老師一日到晚照顧住果班小朋友，感情便像媽媽照顧子女，class teacher一日至多見小朋友一次，感情至多是「淡如水」的朋友。

家；照你咁講，如果我個仔無幼稚園嘅同學一齊在小學讀，喺小學初來甫到，識唔到新同學，豈非「舉目無視」？

趙：又冇咁悽涼，佢重有小一班主任可以幫到佢，我教喇沙做中一班主任果陣時有一次開學，一個從外面小學升入來的小朋友問我：「Sir，可唔可以帶我去廁所呀？」我愕然，隨即叫坐在門口剛選出的班長，帶佢去廁所。跟著另一外來生舉手，「Sir，我睇唔到黑板，可唔可以幫我調位。」「好，你同隔離位調一調！」調完之後，我問提出要求的學生：「睇到黑板未？」他點頭答：「睇到啦，多謝亞sir！」其實個位只是左右調，不是前後調，新位和舊位距離黑板一樣，他剛才說睇唔到黑板，是要求我給他個別照顧，我立即給他調，滿足了他的需要，所以第一時間話睇到。」

家：趙sir，你是想指出無論中一或小一，小朋友走進一個新環境一定冇乜信心，需要人個別照顧？

趙：完全正確。所以從幼稚園升上小學，家長要在暑假做好以下四件事：