【專訪】晒大肚寫真 52歲老婆高齡懷孕壓力爆煲 黃澤鋒疑患產前抑鬱症
2019-05-28
^澤鋒讚老婆麗麗着咩衫都咁靚,原來這件晚裝是麗麗大肚後專登買去飲宴着,但一直冇機會用,啱晒用來影相。
51歲黃澤鋒跟52歲太太陳麗麗結婚9年,去年底宣佈陀B成功,不過由於麗麗屬超高齡孕婦,加上本身是乙肝帶菌者,陀B初期出現不少問題,身為準爸爸的澤鋒既要照顧老婆心理及生理,還要努力搵奶粉錢,壓力同樣唔輕。上周他趁着麗麗已有7個月,個肚效果凸出,決定應朋友邀請為「一家三口」留個紀念,陪老婆影大肚寫真。兩人談起這7個月陀B經歷,心情如坐過山車,由於二人難得能為父母份外不安,老婆更踢爆澤鋒疑患上產前抑鬱症,因為他在老婆衣食行各方面都變成緊張大師,「依家佢咩都好緊張呀!我反而要疏導番佢情緒,成日提佢唔使咁緊張。」澤鋒亦承認:「我有好多嘢諗!」
澤鋒和麗麗為同BB留個紀念決定拍攝這輯大肚寫真,澤鋒說:「呢個攝影師好朋友Ben話幫我哋影,希望留畀小朋友睇下,未出世之前喺媽咪個肚個樣。」他們揀7個月肚影,就是想效果真實點,麗麗說:「其實下個月肚應該最大,但我怕到時又太輪盡。」澤鋒說:「o依家麗麗行路都開始好似企鵝咁八字腳,執唔到地下啲嘢要我執。」
^麗麗話平時難得性感,大肚就破例一次,澤鋒都好贊成。