【Man Man Diary】I am 陪產 Man
2019-05-10
人生如戲，而生BB一定係整個人生階段最高峰嘅挑戰。喺產房裏面準爸爸同凖媽媽就係最佳男女主角，要完成呢張好戲，凖爸爸同凖媽媽功勞一樣甘大。
有許多研究指出另一伴陪產可以減低孕媽媽既焦慮，例如美國科羅拉多大學研究顯示伴侶喺孕媽媽分娩時握住手有助減輕孕媽媽分娩時的痛苦。但日本亦有調查指出，男士睇到分娩嘅畫面係有機會會導致心理壓力。所以陪唔陪產，準爸爸可以衡量自己能否接受產房裏嘅血腥畫面，因為生BB點都會出血，加上BB出嚟既時候係血淋淋嘅，如果準爸爸會見血暈就唔洗勉強自己了。陪唔陪產都可以係好爸爸，最緊要產後多啲關心同支持媽媽。
咁有能力陪產嘅凖爸（陪產Man) 應該如何看待同準備自己呢？佢地可以記住呢個最偉大既英文字 「Marvel」：
M for Mission
陪產Man嘅任務係要一直陪伴孕媽媽完成整個分娩過程。而且仲要好似黑寡婦咁打得，係被孕媽媽打極都面容不交。生BB係10級痛，隊友就捱一陣甘多la!
A for Assit
要知道你雖然系男主角但同時亦都要隨時輔助女主角。情況就好似美國隊長拎起雷神之鎚前來營救大家。例如當孕媽媽背痛時，助產士會教你用按摩油幫孕媽媽按摩。我生第二胎試過，又真係幾舒服，仲覺得好溫馨。