【Man Man Diary】第一第二胎QE催生大比拼
2019-05-02
我很怕痛，亦怕開刀。兩胎都系頂著頭皮上。第一胎順產之後感覺係好驚好痛，到第二胎臨生前夜晩都有喊過擔心過。不過今次第二胎生完我係完全吾怕，反而因為自己有大進步而感到高興！呢種滿足自豪令我覺得自己好叻！
呢篇文嚟個二胎順產感覺大對比：
1. 時間
第一胎催生都係QE，過了一週預產期，要塞藥，催生約10小時，大痛約4小時。
第二胎隔了一年半生第二胎，因為BB大了一週，所以在預產週內催生，約7小時，大痛了2小時。
2. 房間
第一胎二人房，除咗我之外仲有對面外籍人士，中間用窗簾布隔住。
第一胎二人房，不過得我一個用家，仲有廁所。好似係唯一一間產房有廁所，老公可以隨時用廁所。正！
3. 人手
兩胎嘅醫生、護士同助產士都非常有鼓勵性。不過第二胎有較多護士學生/醫生學生，到最後產程嘅時候我拒絕了護士學生入嚟觀課，個一刻我腦都諗唔到咁多，一口拒絕了，自己感覺係最緊要，不過助產士是專業的，經過我拒絕之後仍然非常落力幫助我生產，給了我許多鼓勵說話！
4. 止痛方法
第一胎用咗笑氣、止痛針、香薫。感覺只有笑氣最有用。
第二胎都係用咗笑氣、止痛針，香薰仲有老公幫手用油按摩。今次覺得笑氣最有用，香薰都有用！係我陣痛完索番兩下真係舒服啲，至於老公按摩只係感覺安心。
5.有幾痛
第一胎乜都吾知就去咗催生，催咗好耐一度都未開，催生藥要加強先慢慢開了3度，到8度個陣我記得我好似痴咗缐咁，感覺要爆了。
第二胎好識用笑氣，到5-6度時係有啲辛苦，不過頂得順，跟著好快就捱到可以push……所以我唔係覺得好痛呀。