【Hey 魚B之日常】魚媽失控之懷疑產前抑鬱
2019-04-03
「產前抑鬱同產後抑鬱」大概每個孕婦係孕期已有聽講過…
今次講既係產前抑鬱…產後抑鬱下回分解XD
魚媽大肚之前，一直都係大癲大肺…
開心樂觀嘅典型人馬座…
就算唔開心，半日就可以無件事..
所以當時覺得咩抑鬱都好遙遠..
亦唔會發生喺自己身上…
有咗魚B之後，由第6週開始嚴重孕吐至14週，雖然短短兩個月，但不斷嘔，頭暈……
難免會因為擔心影響肚入面嘅魚B而影響情緒，但當好轉情緒亦穩定落嚟﹗
直至懷孕中期（大概係26週）
有晚我打俾番緊工嘅魚爸投訴奶奶，
為嘅只係屋企好細微嘅小事…
我記得我係對話中途痴咗線咁鬧魚爸…
收線之後我不斷喺屋企大嗌，
將啲嘢掉晒落地，之後喺房喊咗2個鐘，
而魚爸當時因為我無理取鬧無理我。(魚爸嬲起嚟，都唔小野XD)
第2日，我帶住紅腫嘅眼皮番工，
整個上午都好頭痛，同埋不由自主流眼淚。
當下就開始諗，究竟嘜嘢令到我會咁嘅情緒。
魚媽係做普通科診所，深知有病要醫，
但又好懷疑自己只係一時發脾氣，
定係有產前抑鬱。