【Alvin媽媽】順產開刀都係好媽媽！

一開始有左肥B之後，就決定會去私家醫院分娩，但究竟順產定開刀一直都1516。而且醫生都話可以最後先決定，所以我都係一直採取到時睇下點的心態！

可惜好景不常啦，十個月懷孕期，一波三折，3個月開始有甲狀腺復發，一直到8個月才控制到啦！5個月時又話胎盤前置，去到差不多9個月才確定升返！還有中了孕娠糖尿，最後一個月又發現BB臍帶纏頸！而且BB都比較大隻！其實每一件事都令到我心力交瘁，加起來實在難以承受啦！

所以，我都同老公都決定要開刀啦！因為實在不想再有什麼突發狀況！當然順產有順產好處，但突發狀況都經常有，當我們決定正式落訂仁安醫院，醫生的建議都是開刀啦，總之，細碼孕婦懷巨嬰，並患有妊娠糖尿，都可能建議她們剖腹生產。因為不想我再有太多突發的情況！

因為甲狀腺及孕娠糖尿都有早產的風險，所以醫生都建議我足38W就開刀啦！不過，政府醫院的意見當然是不同，因為BB比較大隻，所以政府一直要我再減餐，即是糖尿1800餐仍不足夠，還是再減。目的是要我順產，而BB不會OVER 4KG，因為他們對我說，如果BB OVER 4KG才會幫我開刀。