【龍鳳Babies G & 孖媽Gloria】失驚無神--玫瑰疹 ?
2018-10-10
兩個健健康康，孖媽就最開心~
玫瑰花 就收過haha ！玫瑰疹，Rose Chan? 咩嚟架?
呢樣係孖媽未有小朋友時第一次聽嘅感想
當年，Babies G嘅大表哥出玫瑰疹，
我先知原來有樣咁嘅嘢~哈哈
啱啱7月尾妹妹發燒唔舒服，睇醫生驗到係尿道炎，
食咗差唔多2星期抗生素先好番~
唔舒服又唔肯食，每日食唔夠6安奶…瘦晒~
好彩好番後加固順利咗…
啱啱上星期….
孖媽如常朝早起身泵奶，預備出門口返工…
妹妹醒咗，諗住抱下佢…
一抱上手!!大鑊!!瀨嘢啦~~勁熱勁滾….
即刻探熱….紅色燈呀!!!發燒呀!!!!
拿拿聲叫醒老公，餵退燒藥抹身….
因為朝早婆婆有嘢做，
唯有觀察住妹妹…下午先去睇醫生!
孖媽最怕又尿道炎…
不過今次好彩妹妹好精神，肯玩肯食，退咗燒…
但睇開嘅醫生下午有突發事，要6點後先應診。
諗返上次睇醫生係診所用試紙驗尿道炎，又上網搵下…
原來試紙主要驗:
Nitrite(亞硝酸鹽)：
常見的尿道感染細菌都會將硝酸鹽還原成亞硝酸鹽，
因此當尿中亞硝酸鹽測試陽性時，
即可快速間接測知尿中具有相當數量的細菌存在。
Leukocytes(白血球)：
針對嗜中性球上的脂脢反應，
可以檢測尿道發炎、子宮畜膿、膀胱炎、囊腫性腎炎、
腎小管損傷引起腎炎、藥物引起的腎炎、泌尿道結石等等。
咁啱附近有地方買試紙，即刻買返屋企驗下先…
驗咗兩次都冇事wor…尿清又冇異味，而且VV時又冇喊(即係VV唔痛)
見妹妹退咗燒，就打算再觀察下，今日唔睇醫生住…
妹妹都keep住好精神，肯玩，係易累少少…
到夜晚都keep住微燒，食多次退燒藥瞓….
到第2、3日妹妹都係keep住微燒，
都有1次係高燒(39度)，冇其他徵狀…
都估好大機會係玫瑰疹…唯有俾佢飲多D水，抹身，貼退熱貼。
到第3日半夜終於退晒燒…
第4日下午妹妹身上終於都出紅點，見到Rose Chan啦….
第5日紅疹最明顯，集中肚仔同背部最多
第6日紅疹開始淡色
第7日退晒lu~~~
今次妹妹其實好叻女!!
除咗易累少少，都一樣肯玩肯食，加上冇其他徵狀~~
見到出咗疹後，孖媽都放心咗少少…
扭計抱抱，當時孖媽返緊工收到老公呢張相真係好肉赤~
好彩唔係最擔心嘅尿道炎，自己買咗試紙驗都幾好~
唔睇醫生既原因，係因為冇其他病徵，醫生都係俾退燒藥…
反正屋企有，而妹妹食左係會退燒!!
玫瑰疹都係要出左先知…所以孖媽自己覺得唔睇醫生都OK!
最緊要keep住探熱，同觀察留意有冇其他反應。
當然如果有懷疑就要盡快去睇醫生啦!
「玫瑰疹常見於5歲以下孩童，一般而言，染上玫瑰疹的寶寶會出現發燒、喉嚨紅腫、心情煩躁的徵狀，也有可能出現輕微肚瀉；至病發第3至5天，患者身上始出現玫紅色的疹子，由身體中央位置延散至四肢。當紅疹出現，便會開始退燒，這是玫瑰疹最大的特色。紅疹長出後，大約3日便會開始退散，當紅疹完全消散，即算痊癒。 」
—————————————————————————————-
facebook page : 龍鳳Babies G & 孖媽Gloria|
想睇更多Babies G生活照: https://www.instagram.com/babiesg_mamagloria
邀稿/合作: [email protected]