【港媽的第二生活】哺乳系列（三）：點解唔一早話我聽餵母乳咁辛苦？

「我個B要補奶粉啊，佢吮完好似仲好餓。」產後第二晚，相鄰床位的媽媽在閒談間說。她的BB一出世因小問題住進嬰兒房，不能母嬰同室，她開刀後同日便已忍著痛落床兼落樓餵母乳。那晚有個資歷好像較深的姑娘到我們的房間，那媽媽一馬當先問她：「點解阿B吮極都好肚餓咁嘅？係咪要補多啲奶粉？」行先通常死先，那姑娘非常嚴厲的回應：「我成日叫妳地，要餵人奶就唔該自己做定功課，又唔聽書。」我懷疑那姑娘未生過仔，或是生仔已是咸豐年代的事，同理心盡失。

書，我聽過、讀過，但到實戰時仍然感到無助。不是不相信書，不是不相信科學，但看著阿B日日夜夜地哭，吮完又哭，哭完又吮，還是無法入睡，再看看身旁餵水奶的媽媽可以大覺瞓，便很痛苦，繼而不斷懷疑自己，不停上網找答案，但又半信半疑。然後，原來問出口仲會俾人鬧。在醫院那幾天，有感自己身在海中央的木筏上，孤立無援，卻因為擔當上「媽媽」的身份，而要硬著頭皮。我沒有想過，餵哺母乳如此自然的事，是這麼艱辛。

政府大力倡導媽媽們餵哺母乳，連廣告都將母乳與愛BB畫上等號，現今的媽媽很難拒絕這一大趨勢。公立醫院早在媽媽產檢時，便不斷播片、搞講座、小組教學，令媽媽接受母乳為孩子最好的食物，以及是對媽媽健康有利、方便的餵哺方法，當中亦有教導媽媽餵哺的姿勢和解難等等。但親身經歷過母乳餵哺後，便發現如此的推廣對母乳餵哺的辛酸，實在是輕描淡寫。