【芊嶠與細佬·雞蛋仔】九展BB展10月開鑼 著數優惠推介！
2018-09-07
其實一年入面有幾多個bb展，大家又數唔數到呢？除咗灣仔會展，其實九展都有舉辦bb展㗎！嚟緊10月，九展BB展返嚟啦！今次九展bb展由 Not Too Big 主辦，命名為「Not Too Big 優質母嬰用品展」，日期係：2018年10月11-14日，在九展（九龍灣國際展貿中心）舉行，而且今年 Mothercare 仲會以全場最大展位參展。
另外，離 Not Too Big BB展都有差唔多一個月嘅時間，但你又心思思想睇下有咩買？又或者媽媽你嘅預產期撞咗九展bb展？唔使擔心！
Not Too Big 今次仲會有個「Expo Pre Order」，無錯，你無睇錯，真係可以預先上網，上網，係上網預購，買咗到時去九展bb展現場拎貨！又唔洗怕到時去到要同人爭同人逼！孕媽媽仲放心，自上網揀好產品，比晒錢，爸爸到拎去到現場拎貨，走得！
等嶠媽介紹幾款心水平貨比大家啦！
^初生bb必買，就算你打算餵母乳，都會買定一套在家，今次 Tommee Tippee 初生寶寶基本套裝，只需$699，可供優先預購！
^另一初生bb必買棉花球，用來抹面仔、眼，成塊面一次我都數唔清用咗幾多粒棉花球！用唔晒唔緊要，可以同朋友仔夾，來個「我·友·優惠」，甜甜蜜蜜開心 share！
^尿片更加係必必必需品啦！買尿片仲有贈品送！5包初生尿片 + 4包細碼拉拉牌 + 贈品 + 現金券，盛惠$543，媽媽們上網預購，爸爸們去取！快·靚·正。因為咩展都好，尿片呢個攤位都係長期多人。