【CalebMa】New born 7-9個月：幫助寶寶自行入睡方法
2018-07-19
初初1-3個月，能夠令到寶寶有一個長一點的睡眠已經好好。
但到7-9個月(甚至有些家長5-6個月)，我哋就可以試吓幫助佢自己瞓。
坦白說，Caleb B的sleep training我都做得不太理想……
WHITE NOISE開始唔work…..
之前講過有white noise，但到差不多5個月，Caleb B已經不太可以用white noise安撫，而且都真係幾嘈（對媽媽來說，哈哈～）
所以我哋就轉了給純音樂、一些youtube lullaby俾佢聽，其實都無話邊首好啲，重要係持續性。
如果你發覺邊首歌你嘅BB特別鍾意，咁就繼續用同一首進行。
另外，都可以開始建立以下的一些睡眠習慣：
1. 安穩東西(SECURE OBJECT)
好多專家都會建議給予一個安穩感覺的東西（secure object）陪住寶寶瞓，一來寶寶就不用倚賴你去入睡，又可以俾到安全感佢。
可以係一啲毛公仔甚至一張被，最重要係安全嘅。secure object會係一種過渡，可以慢慢取代奶嘴嘅需要。
但按我嘅經驗，Caleb B由細到大都唔係好鍾意先公仔，所以都不是那麼容易去取代，
家長可以循序漸進咁引入嘗試，因為secure object嘅介入時間可以由6-18個月不等。
2. 陪伴不是抱伴
Caleb B還是1-3個月時我都會抱佢入睡，原因上次都提及過，俾佢有一種係媽媽子宮入面嘅感覺。
但當佢開始大個時，就可以多點獨立性。
所以我再無抱住佢瞓，而係睡在他身邊，有時佢都會摸吓我塊面，大概會感到安全一點，
呢啲都係ok嘅，可以讓佢知道你瞓喺佢側邊都仍然係陪住佢。
Btw Caleb B 一直都係同爸爸同我co-sleep (同床睡覺)，我個人覺得co-sleep係可取嘅，一來令佢容易晚上無咁易醒，熟睡一點睡眠質素較好，
而且有不少research都表示對長遠情緒健康有幫助（包括減少不安、提升自信甚至會更快獨立）。
但亦有家長會喺呢段時間選擇開始分房瞓，方法就係坐喺床邊陪佢10分鐘、再離開5分鐘，重覆呢個次序，慢慢讓佢適應。
兩個方法都各有理據，所以就睇吓家長自己既preference : )